[A:503] pa'i nang du lhung ba sku 'khor dag gi mthun snang du gyur pa'i 'pho rtags mngon tshan can bsnyon med du byung zhing | rje 'di'i gsung chos skor yang bsdus grwa rnam bshad | unSiSara lugs kyi dmigs khrid | a gter sngon 'gro'i khrid yig | rta mgrin lcags 'dul pad dkar 'phreng ba sogs po ti lnga tsam long ba yod la | a gter dpa' bo chos dbyings rdo rje'i drung nas dam pa 'dis thugs rje chen po pad dkar 'phreng ba'i dbang sogs gter chos mang po gsan zhing a gter khong gis dam pa 'di la chos bdag tu nga nam zhig 'ja' lus 'od skur grol bar bka' lung gis che bsngags dang bcas chos kha ma tshang ba la rtsom bskul kyang gnang | nyid kyi rmi lam 'od gsal gyi ngang nas kho rang rgya gar rdo rje gdan sogs gnas khyad par ba du mar bkrod nus shing sngon byis pa mno bsam mi shes pa'i gnas skabs kyi tshul gsal po thugs nyams su rjes sor legs par shar la | gyang sprul dang ka bzhi'i gter ston gnyis nas kyang rje 'di nyid rim bzhin sngon gyi grub pa'i dbang phyug che ba dang jo nang sa bzang mati paN chen gyi sprul par che bsngags dang shug chung sprul gyis dam pa 'di la rnam par g.yeng ba kun dang bral tshul gsung ba sogs sgo gang thad nas dge ba'i gshes gnyen mchog gi mtshan nyid rje gang nyid legs par tshang nges pa zhig go | |
dgung lo drug cu re gnyis kyi dus su shugs chung phyogs su khong nyid 'khon pa legs bsdum gyi ched du phebs rkyen sku la bsnyung gzhis zin tshe slar rang dgon du bzhugs de dus su khong la slob tshogs kyi zhabs brtan rim gro sgo gang thad nas bsgrub par zhus kyang bkas ma gnang | de nas re zhig tu khong gi shangs bug nas sna dud gang bzhes thams cad lud nas sder do gsum tsam byung zhing zhag 'ga' song mshams su nyid sku gshegs te thugs dam zhag lnga phrag tu bzhgs pa'i rjes nas shug chung yang sprul gyis thugs dam legs bkrol gyi sgo nas gdung chos yul srol dang bstun nas dgongs mchod slob tshogs dag gis bgyi ba mi dman par byas shing gdung las mar khu'i rgyun nar mar byung bzhin mthar sder gang tsam tu gyur pa'i sku gdung shin tu chung zhing de la zhugs 'bul gyi skabs gdung khang steng du 'ja' kor nyi khyim lta bu dang 'ja' zer gyi sne phyogs su gyes pa mang du byung zhing rjes sor gdung khang phye ba'i dus su rus bu dung gi mdog ltar du gyur cing ring bsrel dang gdung rus la 'od dpag med dang phyag na rdo rje gsal por dod pa dang | gzhan yang lha sku dang phyag zhabs dod pa tsam las cher mi gsal ba yang 'ga' re byung ba sogs legs sgo de lugs kyis mdzad pa yongs su rdzogs shing thugs slob kyang dkyus su brjod pas phyogs tsam mtshon zhing bla ma yon tan rin chen sogs gzhan yang da lta bzhugs pa yang ci rigs pa yod do | |