[A:43] mkha' 'gros gnang ste slob ma ci rigs rjes su bzung nas dngos grub sna re byin pas bu slob rnal 'byor pa so lnga dang rnal 'byor ma so bdun tsam yod | de nas skabs shig na slob dpon nag po rang la pha rol po bsad pa dang | gso ba dang | rengs pa dang | ltung ba dang | dgug pa la sogs pa'i lta stangs khyad par can grub pa na bla ma dzalandhari pas sngar mkha' 'gro'i byin gyis brlabs pa'i rus rgyan gnang ste khyod rig pa'i brtul zhugs kyi spyod pa gyis shig | 'on kyang yul de wi ko Tar ma 'gro lhag ma dur khrod brgyad dang yul chen gzhan thams cad du ci bder rgyu bar gyis zhes bkas gnang ba ltar slob dpon nag po spyod pa spyod yul du rgyu tshe gdugs bdun 'dzin med du 'khor | TAmaru bdun 'khrol pa po med par yang 'khrol | res 'ga' zhabs khru gang gis sa la mi reg par bzhud | res ro langs me tog gi 'phreng ba can la chibs | lta stangs brgyad dam bcu'i sgo nas nyin re bzhin sems can mang po'i don mdzad | dus lan 'ga' na gdugs dang DAmaru bdun brgya re 'phel | 'khor tshogs rnams kyang cho 'phrul dang bcas pas bzhud pa dang bzhugs par mdzad | spyod pa de 'dra'i sgo nas dur khrod dang yul chen rnams su bgrod de 'gro don rgya cher byas zin skabs rim gyis yul de wi ko Tar byon | der phra men ma mu stegs kyi mkha' 'gro ma ba hUri zhes pas rig sngags bzlas shing lta stangs byas pas slob dpon sku bsnyung ste 'das tshul bstan | bar dor mchog gi dngos grub bsgrubs te slar rdzu 'phrul chen pos gdul bya 'dul ba'i ched sku'i snang ba mngon du bstan nas mang por byon no | |
gsum pa rAtanbhala ni yul 'dzha ri khaNTa'i gnas su rAtanpura zhes pa'i drung du yab maNika pirwa dang yum ratnawati'i sras su rgyal rigs kyi rnam par sku 'khrungs | de yang sngon bla ma 'dzalandhari pa'i drung du nag po spyod par skyes skabs bla ma'i dmod pa la brten nas rkyen 'ga' zhig gis da lta rgyal po'i skye ba'i dus sems brnag tshul bstan te yul de'i dzo gi ma lus pa gang na 'dug bkugs nas mis gnyer bcag byas te sa 'ba' zhig skor bcag go | | der gorakSa'i ting nge 'dzin gyis shes nas ha las te rgyal po 'dul ba'i phyir byon te thugs la grub thob kun gyi slob ma yang blo rmongs rgyal pos bran du byas 'dug dgongs nas rgyal po de'i sgor khros te bzhugs pas yul de'i glang po che dang | rta sogs kyis rtswa mi za | bu chung kun gyis 'o ma mi 'thung ngo | | de nas rgyal pos gorakSa nus mthu che ba'i grub thob chen po yin par shes nas sngon du btsun mos grub chen gyi zhabs la phyag 'tshul bas bzhad de dang por btsun mo la mu dra sbyin | de nas rgyal pos phag 'tshal gnong 'gyod byas rjes su rgyal po la Setsari'i mudra sbyin te ming rAtanbhahular btags | dzo gi kun gyis phag byas gorakSa'i phyag rgyal po'i mgo la bzhag pa'i mdo skad cig de nyid du rgyal po grub pa thob ste grub thob rAtanbhahular gyur pa'i tshul bstan to | | sa rko sar mtsho byung ba'i ming la rin chen rgya mtshor grags skad |