[A:507] sgrub grwa 'gab ma zhes pa naigu'i bskyed rdzogs dang gzhan bskyed rim sna tshogs pa'i sgrub sde ba bzhugs pa'i mtshams khang rnams sngar las rgya bskyed pa'i sgo nas zhig gsos khyad par ba legs pa mdzad skabs las byed pa dag gis rtsig rdo chen po theg dka' ba 'phral du thabs sla bas theg ste rtsig pa'i rmang gzhi byed pa dang | zas g.yos nyung shas kyi sbyor bas las ka ba mi 'tshogs ches mang gi kha zas byas kyang da dung ma zad pa sogs kyi legs mtshan kyang byung skad | 'di skor ci rigs su nyid kyis gtsang pa'i gzims khang gi byams chen la na bza' gsol zhing | thun pa gang dag la dge tshul dang byang sdom yang bar bar gnang la sgrub grwa ba sogs la dge tshul slong gi sdom pa legs sbyin mdzad | skyabs rje zla ba grags pa'i mdun du sngar khong gis ye shes khyung khra'i dbang lung zhus pa nas bzung rim pas khyung bsnyen dung phyur sogs bsnyen bzlas kyang mang po mdzad |
spyir na rje dam pa 'di nyid skyes chen gzhan dag gis rje btsun mi la dang zhabs dkar tshogs drug rang grol gyi rnam par 'phrul bar lung gis yang yang bsngags shing dag snang can 'ga'i ngor rigs ldan pad ma dkar po dang jo nang kun mkhyen chen po'i rnam par mthong ba dang bar bar dam pa khong dang lhan cig chos skyong gur gyi mgon po grogs ldan du yod par mthong ba sogs ya mtshan dag pa'i snang ba byung lugs 'dra min gyi lo rgyus yang du ma yod do | |
dgung lo bzhi bcu zhe dgu'i skabs su rje nyid phyogs 'dir dus kyi dmag gi zing cha che stabs rang yul mgo log phyogs su phebs nas a skyong gong ma sang gi sa'i char khong gis nag sgar bzung ste sbyor drug pa rnams gdams ngag zab mos legs bskyang gis rang lugs nges don sgrub brgyud kyi bstan pa rang 'tsham dang mthun par legs spel gyi sgo dod pa nas rim pas je 'phel du song ste chos tshan sgrub po'i sde snga phyi mang po dang de re re la'ang sgrub po lnga snga ma rnams las phyi ma dag gi skabs su je mang du gong du 'phel bzhin khams smad phyogs 'di'i 'brog sde'i sa cha la rang re'i bstan pa sngar 'di 'dra dar ma myong ba lta bu'i dge mtshan gyi bstan pa legs dar gyi mdzad sgo kun gyis smon gnas dam par gyur pa ste | de yang sbyor drug kho nar ma zad shangs chos naigu'i bskyed rdzogs dang gzhan bskyed rim sna tshogs pa'i mtshams sgrub mang po dang bcas pa'i sgrub brgyud nges don kyi bstan pa legs 'dzugs mdzad la de skabs khong gi gzigs snang ngor chos skyong gur mgon nyin re bzhin dang lha chen khyab 'jug chen po zla re bzhin mthong snang rgyun mi chad pa byung zhing | khong gis chos sgar rang gi gzims sbra'i sgo nas 'dzam thang gtsang pa'i mgon khang la snyan dar gyi tshul du kha btags shig phul rlung 'tshubs kyis de ma thag nam mkhar bkyag nas 'dzam thang phyogs su khyer song skad |
dgung lo lnga bcu nga gnyis kyi dus su khong gis dgun chos la 'dus pa mang por sgrub thabs rin