[A:511] tu bcug cing spyir sngon zhig tu khong la mi zhig gis gri chung du ma phul ba'i rkyen bskul gyis mar ches mang dkon mchog la khong gis legs 'bul gyi sgo nye bar dod pa nas bzung sku tshe gang por mar me'i mchod 'bul bye ba gsum lhag tsam song | de dag gi skabs dang po skong chung res nyin zhag gcig dang de nas rim par zhag bdun phrag dang bdun gsum re thub pa'i 'grub rtags byung zhes grag skad | rje dam pa mchog gi thugs slob gang dag kyang gong smos ltar 'dzam thang yan dang mgo log man chad kyi 'dus sde spyi sdom gyi slob tshogs kyi grangs stong phrag gnyis lhag tu gyur la | sngon rje nyid 'dzam thang du bzhugs skabs ri khrod dar lnga'i sgrub gnas su phebs te nyid kyis nged cag slob 'ga' la dge tshul gyi sdom pa sbyor drug khrid yig mthong ba don ldan lhan thabs zung 'jug bcas kyi khrid lung legs par stsal ba'i bka' drin kyang mdzad cing gang gis thugs slob dag la rang rang dang 'tsham pa'i bogs 'don spog chog sogs thabs rnam pa sna tshogs pa'i sgo nas slob ma rnams la sems skyon dang lus nad legs bsal mdzad pa sogs nyid thugs la gang shar shugs 'byung gis mdzad chen rlabs che ba nye bar gnang ba ni rje dam pa mchog gi zla dang bral ba'i 'phrin las rmad du byung ba'o | |
gang gi gsung chos yang nyid kyi gsol 'debs sogs 'ga' re yod | lo de'i hor zla bcu gcig tshes la nye ba'i skabs shig na nyin cig tu khong gis gzims sbra'i mthar skor ba byed pa'i dus su zhal nas | a ngag dbang chos 'byor rgya mtsho zhes lan gsum 'bod pa'i sgo nas khyed kyi bka' da snga lan gcig rang gis bcag ma myong | da ni rang gi lus 'di'i steng gi 'gro don rdzogs pa yin pas khyed kyi thugs rje'i 'phrin las kyis zhag bdun tshun chad du bdag don legs myur ci'i mi mdzad | ces gsung phan chad nas nyid kyis slob bu 'ga' la zhal ta sna tshogs pa re yang mdzad bzhin zhag 'ga' zhig song rjes su nyid khams cung mi bde zhing zhabs rkang legs bsgril byed kyi sku mdun pa rang gi tsha bo yod pa la | bka' las | da ni bdag gnang nyin phan la yod pa min pas khyod kyis nga'i rkang pa bsgril ba sogs byed mi dgos pa'i tshul zhib par bka' mol kyang mdzad | de nas zla ba bcu gcig pa de'i yar tshes bcu'i nyin gyi nangs snga mor rje dam pa'i sku mdun du zhabs brtan bsgrub pa'i slob tshogs 'dus pa'i sde ches mang gis gdugs ring khri phrag legs zin gyi bkra shis rten 'brel byed par nyi shar gyi dus su legs byon mdzad pa na | rje nyid kyi zhal nas | khyed rnams tsho gsung sgrog 'di'i thad nas sku tshegs nges par che zhing rang gis 'di na 'bul ba mtshon tsam yod pa khong thams cad kyis legs bzhes mdzad dgos shing bka' drin sgo kun nas shin tu che la | da skabs kyi zhabs brtan bkra shis sogs ni nga rang ra rgan zhig tshe las med pas kho bo la ma yin gyi rang gi rgyal tshab dam pa mkhan chen rin po che dang dpon bstan 'dzin rgya mtsho sogs la yin pas de lugs kyi thugs dgongs legs pa mdzad dgos tshul