[A:512] kyang gsungs |
de rjes su mkhan pos bzhugs zhus phul skabs khong gis da ni sngar dang ye mi 'dra ba'i snying rje rgya je cher song yod | ces thugs dgyes shing dwangs pa'i tshul gyi bzhugs 'dug | de'i nub khong gis zhal zas kyi bya ba mdzad dus su bsnyung nad cig kyang yod pas 'o ma'i mdog sder gang tsam zhal nas skyug par mdzad rjes | bka' las | da ni kho bo la khrus byab sogs nyung bsdus mdzod cig | ces gsugs pa ltar byas pa'i mthar zhal nas | da khong gi nad thams cad dag zin | khyed rnams la 'bul ba 'di sbyin gsungs nas phyag gis gsol lhag zan kham zhig dum bu so sor bcad nas mkhan po sogs nye 'khor na bzhugs pa dag la gnang sbyin mdzad rjes zhal gsung las sgos su mkhan chen nyid la 'o mkhan chen ngag dbang gsang sngags rgya mtsho sang khyed rje ngag dbang tshogs gnyis dang kho bo la khyad par med pas 'dir gnas nga rang dang grwa sde kun khyed kyis ci mdzad na shes | zhes gsungs nas tshes bcu'i zla ba nub kar sku gzims pa'i tshul gyis bzhugs te phyag sku tsha rin bzang gi mgor bzhag nas da lan nga ni 'gro ran pa yin no gsung rjes su sku g.yo 'gul dang bral bar gzims pa ji lta ba bzhin phyi nyin tshes bcu gcig pa'i mtshan mo'i zla ba nub par chas tsam bar bzhugs mthar shangs bug nas rlung dpal la ring ba zhig bus nas slar nang du rngubs te thugs 'od gsal chos dbyings dang ro mnyam du gyur te | nyin zhag bdun phrag gi ring la bzhugs tshe nam mkha' dwangs pa la 'ja' sprin sna tshogs pas bar bar khyab pa byung zhing zla ba de'i tshes bco brgyad nyin mkhan chen dam pa sogs kyis thugs dam legs bkrol gyi skabs su dkar cha shangs bug dang zhal sgo las mar khu skag pa lta bu'i rnam par byung la dmar cha gsang ba nas thon pa bzhugs gdan gyi thog tu khrag thigs 'ga'i rnam pa gsal bar byung ba'i rtags dang khyad par sku gdung cha tshang mar skyal ltar snum gshis nas byung ba bzhin zad du med pa lta bur gyur nas mdangs cher gsal zhing 'bar ba can te gdung longs sku'i chas dang bcas mchod yul du bzhugs su gsol te slob tshogs 'dus pa mang pos dgongs mchod rgya che ba zla ba bcu gnyis pa'i tshes gcig gi bar du byas nas de'i tshes gcig gi nyin sku gdung la zhugs 'bul mchod bkod khyad par bas legs bgyis kyi skabs nam mkha' g.ya' dag cing gdung khang steng du 'ja' sprin bar bar byung ba sogs kyi dge mtshan dang bcas gdung la me lces reg ma thag gdung zhal sngar las phyogs 'gyur te chos sgar phyogs su zhal phyogs par gyur nas me lce thog ma dag gis sha rnams zhu ste rus phyug du bud la de skabs slob 'ga'i dag snang du rje bla ma nyid mdun mkhar byon nas slob tshogs la gzigs pa'i snang ba sogs thun min byin rlabs kyi legs mtshan yang du ma re yod par mngon |
de ltar dgongs mchod gya nom pa'i mthar gdung khang phye skabs thugs ljags spyan gsum lhag nas