[A:518] chos skor yongs rdzogs bcas legs par gsan zhing zab lam rdo rje'i rnal 'byor gyi khrid yig mthong ba don ldan rtsom bskul kyang mdzad nas rang re'i khams phyogs su jo nang nas bstan 'gro'i don mdzad pa lung rigs rgya mtsho dpon slob gdan 'dren legs mdzad dang bcas pa'i sgo nas rang yul du phyir 'ong bar chas tshe rje btsun mchog gi bka' lung las | mdo smad khams phyogs du nges don gyi chos gzhi'i dgon pa 'debs yul gyi sa gnas ji bzhin gsal por lung bstan pa ltar se dbon lhun grub 'khor bcas rang gnas su slar phebs nas sngon slob dpon bairocana (Vairocana) rgyal mo tshab ba rong du phebs skabs rdzu 'phrul gyis zhabs bcags pa'i sa gnas rnga dbus gur nang du se dbon lhun grub rang gis nges don gyi chos gzhi'i dgon sde gsar btab byas te der khong gis zab ma nges don gyi chos bka' gdul bya legs bskyangs bcas se dbon dang rme'u the hi don grub ces pa'i mi dpon gnyis phan tshun chos kyi 'brel ba'i mchod yon gyis bstan pa'i rtsa lag bla ma dang bstan pa'i sbyin bdag 'byor ldan bsod nams bsags pa can du lo 'ga'i ring la mdzad |
skabs shig tu lcags rge rgyal po zhes pas se dbon rang gi chos sde la gnod 'tshe byas rkyen slar khong nyid jo nang rtag brtan du phebs te | rje btsun thams cad mkhyen pa'i drung nas | chos skyong gur mgon khro bcu'i bsrung 'khor brag rdzong ma'i gdams ngag yi ger bkod pa khro bcu'i rten thang bcas gnang sbyin gyi skal ba dus su thon nas slar rang yul du log ste khong gis gdams ngag de dag la brten nas skabs de'i bstan dgra dngos gnas chom la phabs shing de'i bdun brgyud tshun gtan nas brlag par mdzad do | |
de nas de dag gi gdung rabs ci rigs las byung ba se snying po rgyal mtshan zhes bya ba yin zhing | de las cung 'phyi tsam na se dbon 'phrin las snying po rgyal mtshan bya ba byung zhing | de yang jo nang du song ste rje btsun chen po sku mi bzhugs kyang mkhas grub blo gros rnam rgyal gyi drung nas nyid kyis rang lugs chos bka' ci dgos thams cad zhus nas rang yul du log ste bstan 'gro la phan pa nye bar byas shing | de nas lo 'gar song rjes tsam na sngon gyi gong ma dag gi gdung rabs ci rigs las byung ba se lha dbang rgyal mtshan dang | 'phrin las rgya mtsho gnyis te de gnyis kyis kyang gtsang pa ngag dbang rnam rgyal 'dzam thang du phebs rjes tsam na rje gtsang pa de nyid kyi drung du rang re'i chos bka' gang dgos dag legs par zhus nas rang gnas rnga yul la se lha dbang rgyal mtshan de nyid se nyin phyogs su bzhugs nas de'i brgyud 'dzin la se kun dga' chos 'byor dang | dbon po ngag dbang rgyal mtshan gnyis rim pas byung ba las phyi ma dbon de nyid la rang dang gdung rus gcig pa'i bse khri rgan gyi gnod sbyin baktse bka' yis nyer gtad byas pa nas bzung se sang brgyud 'dzin gang dag gi lha de'i rten thang sgrub