[A:517] legs nges 'byung ngo | | zhes pa'i lung bstan byung bar brten rje grub thob de nyid mdo khams phyogs su phebs te rma rgyal sbom ra dang shar gnyan g.yu rtse zung gi gnas rnams su rim pas bzhugs nas rje khong gis de dag tu gdul la bya dang ldan pa gang dag rjes su bzung ste sgom btab pas rang rang gis nyams su blangs nas gnas lugs sems kyi gshis ji bzhin rjen char du ngo 'phrod de rnam par rtog pa rdzun ris kyi 'khrul pa kun nas zhig par gyur thub pa'i sgom pa zhig chen bco brgyad tsam rje grub thob mchog gi thugs slob tu 'dus shing de skabs shig tu smra se le thang phyogs nas se 'bum skyabs rgyal zhes pa'i mi zhig shar gnyan g.yu rtse phyogs su 'ong bas shar gnyan gyi gnas der pha bong bon mo'i phug tu rje sgom chen grub pa'i dbang phyug nyid bzhugs pa dang mjal bas se 'bum skyabs kyis de la dad gus snying thag pa nas skyes te sgom phog pa'i thabs zhus pa na rje grub thob de nyid kyis skad cig de la se 'bum nyid rjes su bzung ste sgom btab pa ltar lo bcur 'bad brtson gyis bsgoms pas kho la rig ngo lhag ger 'phrod de rtog pa nying 'khrul tu song zhing grub rtags la mnga' brnyes te se 'bum skyabs rgyal sgom pa zhig chen du gyur nas khong gnas nges med rnams su rgyu bzhin spyod pa ri dwags rnams la khal bkal bzhin gsa' g.yi spyang gu rnams res mos su zhon pa byas te nyin gcig la se le thang bskor nus pa'i rdzu 'phrul grub thob khong gis der gnas gzhan dag gi mthong chos mthun snang du legs par bstan pas de kun yid ha las shing se 'bum sgom chen la sngar gyi ming 'gyur te se tshang zhig so g.yung drung 'bum rgyal du grag skad |
de nas se tshang zhig so khong la'ang sgom chen po'i thugs slob mang tsam 'dus shing de 'dra'i se g.yung drung 'bum gyi gdung rgyud phyis rim par byung ba las gdung rab 'ga' zhig song mtshams su se grags pa rgyal mtshan zhes bya ba byung ste de dbus gtsang du song nas dam pa chos kyi sgor legs zhugs mdzad de rang don grub zin skabs phyir rang yul du phebs nas mtshams ring chos kyi sgor legs zhugs mdzad de rang don grub zin skabs phyir rang yul du phebs nas mtshams ring chos rje bya ba'i bla dpon zhig yod pa la phyag rten phul te mgo 'dren zhus nas se grags rgyal rang gis khams rnga stod srib phyogs bo dong zhes par chos sde dgon pa btab ste der rgyun bzhugs kyi ngang nas khong gis dgon der sku gsung thugs rten mang du bzhengs | de nas de dang gdung rigs gcig pa'i se 'khrul zhig seng ge rgyal mtshan zhes bya ba sgrub brgyud 'dzin pa'i skyes chen zhig kyang byung | de rjes su se sku skyes kun dga' rgyal mtshan zhes pa sde snod la sbyangs pa can bslab gsum mchog mnga' ba gang de byung zhing | de nas se dbon lhun grub rgyal mtshan zhes bya ba byung ste de rang re'i ma dgon jo nang rtag brtan du rje btsun tAranAtha sku dngos bzhugs kyi drung du song nas rje btsun rin po che'i zhal snga nas | se dbon de nyid kyis zab mo chos kyi bka' sa skya'i lam 'bras chen po'i zab dbang cha tshang dang | sbyor ba yan lag drug gi