[A:522] gzigs rtog gis zhib tig kyang gnang | dam pa 'brog dge ba 'dis jo nang du dam pa de nyid kyi drung nas | dus 'khor dang 'jigs byed kyi bskyed rdzogs la gsan sgom myong rtags thon nges re dang | gur mgon sogs man ngag las tshogs ches mang yang gsan la | de nas bdud rtsi phug tu rje btsun rin po che'i nye gnas rje grags pa dpal bzang kyi mdun du | 'brog dge ba 'dis chos bka' du ma dang | gnod dbyin bktse rjes gnang sogs zhus shing | de bzhin du jo nang du blo gros rnam rgyal dang | rje btsun ma kun dga' 'phrin las dbang mo gnyis la rim pas 'brog dge ba de nyid kyis zab chos gdams ngag ci dgos legs gsan gyi sgo nas rje btsun mas 'brog dge ba'i rang yul du chos gzhi 'debs gnas kyi lung bstan gsal po dang | jo nang rgyal tshab kyis dad rten gnang sbyin dang bcas 'brog dge ba khong nyid rang gnas su phebs te chos gzhi dgon pa de lugs bzhin khong gis btab nas nges don bstan pa rje ltar bskyang tshul chos 'byung gzhung du brjod zin ltar las rje dam pa 'brog dge ba khong las sangs rgyas byang sems mang po dang khyad par rgyal ba tshe 'dzin dbang po'i zhal gzigs kyis da lan sku tshe'i tshad dang phyi mar skye 'gyur ji ltar gyi tshul sogs bslu med lung bstan dus su byung la | khong nyid kyis chos skyong gur mgon dang gnod sbyin bktse lcam sring ji 'dod kyis bran du bkol zhing | rnal 'byor yan lag drug gi rtogs pa mthar phyin pa'i nges don gzhan stong gi lta grub 'dzin skyong spel ba'i skyes chen mchog mdo khams smad phyogs 'dir mdzad pa rlabs che bas nges pa don gyi bstan pa ches nye bar dar rgyas su byed pa ste khong nyid me bya'i lor dgung grangs re brgyad du lo de'i dpyid zla ra ba'i nang la zhi bar gzims nas sku gshegs so | |
rje gang de'i thugs slob | sku dbon chos skyong don grub | dbon yon tan lhun grub la sogs pa'i sku tsha grags chen rnams dang | a dpa' 'jam dbyangs bstan 'dzin | mkhar bla kun dga' dar rgyas | sog po bkra shis rgya mtsho sogs skyes chen bstan pa'i rtsa lag mang po nye bar byon pa las 'dir smos rags bsdus kyi lo rgyus sa bon tsam brjod na | rje 'brog dge mchog gi gdan sa legs skyong gi sku dbon chos skyong don grub ces bya ba'ang thog mar 'brog dge gang nyid kyi gdung rigs su sku 'khrungs | de cher son skabs khu bo 'brog dge khong nyid kyi drung du dbang lung khrid sogs chos bka' mang tsam zhig sku tsha gzhon nus legs gsan gyis chos sgor zhugs pa nas bzung rim pas skabs shig tu sku tsha de nyid jo nang rtag brtan du rje cha lung ba grub chen ngag dbang 'phrin las bzhugs pa'i drung du song nas nyid kyis dus 'khor dbang chen dang | zab lam sbyor drug gi man ngag khrid bshad sogs chos bka' mang po zhus te rang yul sogs su khong gi sgom pa nyams len gyi dus su bla ma dang yi dam lhag pa'i lhas rjes su bzung zhing khyad par rdo rje 'jigs mdzad chen pos byin gyis brlabs pa la | nyid