[A:523] kyis gur mgon khro bcu'i bsrung 'khor brag rdzong ma'i bsnyen sgrub la brten nas mahAkala dung phyur bdun dang rtsa sngags bye ba ljags bzlas su mdzad cing | bktse lcam sring las la 'khol ba zhig ste | 'di 'brog dge'i gdan sa bzung nas don gnyis rlabs chen gyi spyod sgo rgya cher mdzad bzhin pa'i skabs na rje dam pa gang 'di nyid tsha kho'i rdzong gi mnga' bdag sa skyong chos kyi sbyin bdag che ba nga shu tsa tshe dbang drag rgyal gyi dbu blar phebs dgos byung nas der khong dpon slob ring tsam bzhugs te nyid kyis bstan 'gro la nyer phan che ba mdzad rjes su tsha kho'i phun tshogs rdzongs de nyid du dag zhing gzigs skabs 'ja' 'od ngo mtshar can sogs kyi rtags mtshan legs pa dus su byung ngo | |
de rjes su'ang gdan rabs rim byung gang dag 'brog dge'i sku rigs su 'khrungs pa phal che ba ste | de mtshams nas mkhas btsun bzang po'i dpal nye bar mnga' ba 'brog dge grags pa bsam 'grub bya ba byung ste khong yang don gnyis mchog la spyod bzhin pa gang des 'brog dge'i gdan sa reb tsam bskyangs nas bstan 'gro'i don de lugs kyis mthar phyin la |
'brog dge kun dga' lhun grub |
2. de nas sku dbon kun dga' lhun grub ces bya ba 'brog dge'i dbon rigs su sku 'khrungs nas dam pa du ma'i mdun du nyid kyis chos bka' mang tsam gsan sgom bcas kyis don gnyis gang thad la mdzad rgya che tsam byung zhing khyad par 'dra nang ri khrod du gtsang pa ngag dbang rnam rgyal gyi dngos slob skyes chen dam pa khas btsun bzang po zhes bya ba bzhugs pa'i drung du | 'brog dge lhun grub pa byon nas rje de nyid kyi drung nas 'brog dge ba rang gis so thar rab byung dge tshul sngon du 'gro ba'i bsnyen par rdzogs pa'i sdom pa ji bzhin legs mnos mdzad pa sogs dam pa ches mang gi zhabs rdul spyi bor len pa'i sgo nas chos la gsan sbyang che rab byas shing | de mtshams shig nas rje 'brog dge lhun grub pa gang nyid rnga yul lcags rtsi mda' gnyis ser sde gang dag gis klad dgon bdag tu mnga' gsol ba nas bzung rje 'brog dge 'di nyid kyis rtsi nang gi dgon bdag nye bar mdzad la gzhi der chos sde'i dgon pa gsar 'debs kyi sgo nas cho ga sogs rang lugs bzhin gyi srol dang nges don gyi bstan pa la 'chad rtsod rtsom gsum gyis bya ba rgya cher byas shing khong gi thugs slob yang gtsang pa 'phrin las rnam rgyal sogs don gnyis mdzad rlabs can du ma zhig kyang byung la | bar skabs shig na a skyong dmag zor mgon po'i 'bangs sder gtogs pa chos skor rab brtan zhes pas rgya nag mkhan po'i rgyu nor sogs la jag chom byas pas rgya kyang lA'i sa sgo nas tA lo ye gsum gyi rgya dmag dpung chen 'khrugs te stobs shed kyis a skoing? dpon (khang gsar dpon dmag zor mgon po) btsan bzung byas nas khyer song ba lam bar du dpon de nyid shi ba'i skabs de thad du klad rgya kyang lA nas dpon gyi spur chos skor la sprad pa