[A:524] sogs don dag 'di 'grub thabs byas na go sa thob dbang khyad par ba gnang sbyin chog tshul gyi bka' yig rje dbon lhun grub pa la dus su bskur gnang gi skabs dbon khong nyid dang gtsang pa 'phrin las rnam rgyal sogs kyis rgya'i sku don de lugs bzhin gyi thugs khur legs bzhes mdzad pas rje sku dbon nyid ha cang sku ngo che bar gyur te lugs gnyis gang thad la dbang cha sngar las che lhag tu song nas rje dbang gong kyang lA nas bka' rtags gsung yig thes bcas kyi 'ja' sa bzang po'i lung yang gnang zhing 'brog dge sku dbon gang nyid la rgyal rong phyogs kyi dgon sde bdun dang grwa pa brgya phrag brgyad kyi khri 'dzin mchog tu sgo kun nas bstan pa yongs gtad mdzad | de 'dra'i mdzad pa rlabs chen gyis khong legs bzhugs kyi dus sku tshe smad tsam na rgya nag gong ma la zhal ngo che ba'i sngags gsar phyogs kyi chos brgyud 'dzin pa rgyal rong chu chen mkhan po | zhes pas rang re'i chos lugs la gnod pa'i bka' shog springs pa yang 'brog dge gang nyid kyis mkhas mchog gi mdzad bzang la brten rang chos la gang yang gnod ma nus so | |
yang bar 'ga' zhig tu nyid kyis gnam lcags dgon du gnod sbyin bktse lcam sring gi srog gtad mdzad pas chos skyong 'khor ba'i rtags mtshan dngos su byung zhing nyid kyi thugs sras grags can a skyong bla ma dge 'dun rgya mtsho dang | gos lha kun dga' chos dbyings sogs du ma zhig yod | rje 'di nyid dbang chos kyi brgyud pa la bzhugs pa'i bla ma rdo rje 'dzin pa mchog cig yin nges nas nyid kyi mdzad pa mthar phyin skad |
rje 'brog dge ba 'di nyid kyi yang sprul smra rong phyogs kyi sa bar du 'khrungs pa a la sprul sku 'jigs med chos kyi dbang phyug ces bya ba byung zhing de nyid kyi gdul bya de phyogs su re zhig rdzogs rjes su | de'i yang srid mgo log yo stag tu 'khrungs pa ni sprul sku 'jigs med chos kyi 'byung gnas te 'dis bstan 'gro la legs phan dus su byung bas khong nyid bstan pa'i rtsa lag tu rnam par nges pa'o | |
'brog dge kun dga' yon tan rgya mtsho |
3. de nas rje btsun lha dbang grags pa'i sprul pa 'brog dge kun dga' yon tan rgya mtsho ni | yo stag sprul sku de nyid kyi sku tshar gyur pa'i sgo nas de phyogs su sa stag gi lor sku legs 'khrungs kyi rnam pa ste | de yang sku na chung ba'i dus nas thugs rgya che zhing klog slob sogs ya rabs dam pa'i kun spyod la nye bar gnas bzhin de mtshams shig tu mkhar bla bstan pa chos 'phel gyi drung nas | dam pa sku na gzhon pa des rab byung bsnyen rdzogs kyi sdom pa dang dbang lung zab khrid mang du zhus shing de nas rim par skabs ci rigs su gos lha kun dga' chos dbyings kyi mdun du dam pa 'dis chos bka' lung khrid du ma dang | rig gnas dkyil 'khor bri thig nyi zla'i go la rnams gsan bslab ci rigs mdzad pa dang |