[A:528] khag gi dpa' snying ches zhum par byas te rang phyogs la dge mtshan gyi grags snyan kun nas ldir bar gyur pa sogs zla dang bral ba'i mdzad sgo mang po'i lo rgyus bshad du yod kyang 'dir re zhig de tsam mo | |
'brog dge yon tan rgya mtsho'i sku dbon 'jam dbyangs rgya mtsho zhes bya ba'ang don gnyis mchog grub pa'i mkhas shing grub brnyes kyi skyes chen dam pa rang re'i chos bka' dbang lung gi brgyud 'dzin che ba khong gi zhal snga nas kyang | 'dus pa du ma kun mkhyen dol po'i bka' pod drug gi bklag lung dang | rje btsun gyi bka' 'bum las byung ba'i sgrub thabs rin 'byung gi dbang bka' cha tshang sogs dang rang re'i chos bka' mang tsam legs spel mdzad |
de nas 'brog sprul bstan pa'i rgyal mtshan zhes pa rig pa'i gnas kun thugs su chud pa'i mkhas pa'i dbang po zhig kyang yin |
de rjes su byung ba'i 'brog sprul kun dga' 'gyur med chos kyi dbang phyug ni rje yon tan rgya mtsho yab sras kyi brgyud 'dzin che ba rang lugs bskyed rdzogs kyi rtogs pa klong du gyur cing | de rjes su 'di nyid sde dge dpal spungs su phebs nas 'jam mgon kong sprul dang mkhan bkra shis 'od zer sogs kyi mdun du | 'brog sprul 'dis rje btsun bka' 'bum 'thor bu dang | grol mchog khrid brgya'i rgyab chos gdams ngag mdzod ces pa sgrub brgyud shing rta brgyad kyi skor dang | sgrub thabs rin 'byung gi rgyab chos sgrub thabs kun btus sogs zab bka' ches mang zhus shing | de bzhin gzhan dag la legs spel gyi mdzad sgo nye bar mi dman pa sogs don gnyis mchog mnga' ba'i bstan pa'i rtsa lag tu gyur pa nas bzung da bar sprul dbon rgyun ma chad pa 'di ga ltar ro | |
sngon gyi 'brog dge'i thog ma rje kun dga' dpal bzang gi sku dbon yon tan lhun grub ces bya ba'ang sku chung ngu'i dus nas rje 'brog dge gong ma sogs dam pa mang po'i zhabs rdul nyid kyis spyi bor len bzhin chos bka' rgya cher gsan sgom gyis rang don legs grub zin rjes nas gzhan phan gyi mdzad sgo yang khong gis 'dzam thang gtsang pa ngag dbang rnam rgyal la rdo rje 'phreng ba'i dbang bskur rgyas pa stsal cing khong nyid sku tshe smad du tsha kho'i rdzongs 'gag gi chos rgyal tshe dbang drag rgyal gyis bla mar bkur zhing | nang so kun dga' bstan pa'i dbang phyug gis sku dbon 'di nyid lhar yag dgon gyi khri par bsko bzhag mdzad pa dang | 'di mdzad pa rgya che stabs mchog rtse'i sa skyong mi dbang rgyal pos 'brog dge'i dbon gang nyid la bka' yig gis thob dbang legs par gnang bas che bkur rgya chen po nye bar mdzad pa sogs rje 'brog dbon nyid lugs zung gi mdzad rgya nges par che zhing 'phrin las kyi rlabs phyogs su khyab pa'i mtshan snyan can zhig ste gang nyid sku tshe smad du sngar gyi 'brog dge dgon pa la gzims khang gong 'og gnyis yod pa las gong mar rgyun bzhugs lta bur mdzad pa nas bzung 'brog