[A:530] mtshan la mjal bar phebs lam ri bo rtse lngar slebs tsam na gzugs sku'i bkod pa 'jam dpal dbyangs kyi dgongs chen dang ro mnyam du bzhugs pa'i mod gang gi sku dbon blo gros bzang po zhes bya ba de nyid rim pas sog yul du song nas ye shes rdo rje nyid dang mjal phrad kyi skal ba dus su thob cing rje gang gis sku dbon nyid la chos gos rnam sbyar zhig gnang sde bka' lung gis dbugs sbyung gzengs bstod mdzad pa ltar tsha kho'i rje dpon tshe dbang drag rgyal gyi dbu blar mdzad bzhin lo 'ga' zhig gi ring du phun tshogs rdzong gi rgyal khab der bstan 'gro'i don la bzhugs rjes su'ang de'i sku dbon kun dga' bkra shis sogs bla brgyud mang po zhig kyang rim par byon no | |
yang 'brog dge slob dpon thog ma'i dngos slob mkhar bla kun dga' dar rgyas ni | rje 'brog dge gong ma yab sras kyi thugs slob tu gyur te lung rtogs mchog gi yon tan mnga' ba'i skyes chen zhig ste nyid kyis gzhan gdul bya gang dag la rdo rje 'phreng ba sogs dbang lung gi chos bka' mang po 'chad spel mdzad cing | dus skabs shig tu phyugs tshang stod 'dus pa rgya mtsho zer ba'i mi zhig gis sbyin bdag mdzad de rje 'di nyid kyis bshad sgrub rtag brtan gling bya ba'i chos sde che ba zhig gsar du btab nas der byams sku sogs rten gsum khyad 'phags du ma zhig legs bzhengs mdzad pa sogs byas rjes mi nyung ba yod la | 'di'i gdan rabs pa yang sprul sku ngag dbang 'phrin las sogs sprul dbon du ma dang | khyad par 'di'i bla rabs su byung ba mkhar bla kun dga' bstan pa chos 'phel zer ba yang gling sgom chen bstan pa snying po dang | bya yur kun dga' chos 'byor zung gi thugs zin gyi slob bu mchog cig tu gyur te kun dga' chos 'byor bas thugs slob bstan pa chos 'phel nyid la rdor dril gyi gnang sbyin bcas gsang chen theg pa gzhan la ston pa'i rdo rje slob dpon mchog tu mnga' gsol kyang mdzad | tshul de lta bu'i gzhan rjes bzung gi dus na'ang bar skabs shig tu mkhar bla bstan pa chos 'phel gang nyid kyis a mchog sprul sku dkon mchog bstan pa'i rgyal mtshan la dus 'khor dbang dang bskyed rdzogs kyi zab khrid gnang skabs mkhar bla rdo rje 'chang nyid a mchog sprul sku'i thugs dag snang ngor dus zhabs 'jam pa'i rdo rje dngos su mthong nas brjod skabs su'ang dang po'i sangs rgyas dus zhabs pa chen po | zhes thugs slob sprul sku mchog gis bsngags pa'i che brjod bcas thun mong ma yin pa'i rtsa ba'i bla ma mchog nyid du sgo kun nas gus 'dud 'bul ba dang | mkhar bla gang nyid tsha rong gi rgyal khab phun tshogs rdzong du phebs skabs khong gis sde dge ka thog pa dge rtse paNDita tshe dbang mchog grub la dus 'khor dbang bskur mdzad skabs su bla ma nyid dge rtse ba'i thugs snang du dus kyi 'khor lo dngos su gzigs shing | bla ma de nyid kos lha kun dga' chos dbyings kyi dag snang ngor rigs ldan pad ma dkar po'i rnam par mjal bas rje mkhar bla khong nyid la kos lha mkhas pa'i dbang pos rnam dag rtsis