[A:531] gzhung rtsom par legs bskul gyi zhu ba nan du phul zhing | rje mkhar bla 'di nyid 'brog dge yon tan rgya mtsho gang nyid kyis kyang rigs bdag gtsug gi rgyan gcig pur sgo thams cad nas legs bkur mdzad pa sogs rje bla ma gang nyid kyi zhabs rdul skyes chen mang pos spyi gtsug dad pa'i mdzes rgyan du nye bar 'god pa'i yongs kyi 'dren pa chen po zhig go | |
'di dag gi brgyud pa las sprul dbon ci rigs da lta'i bar byung chog la | yang 'brog dge'i slob dpon chen po thog ma gang dag gi thugs sras su gyur pa sog po bkra shis rgya mtsho ste de yang thog mar sog rigs su sku 'khrungs shing de nas rim par 'brog dge chos rje mchog dang mjal te gsung gi gdams pa thugs slob gzhon pas ji bzhin nod nas nyams len gyis nang rtogs yon tan mchog gi klong rdol ba lta bur red song zhing | de nas re zhig gi tshe sku bsod rgyas shing mdzad 'phrin gyi sgo nges par yangs pa'i dbu tshugs te rnga yul gyi bu nang smad du khong gis chos gzhi'i dgon sde smin grol gling zhes pa chags 'debs mdzad rjes su dgon gnas der 'dus sde'i gtsug lag khang dang nang rten byams chen sogs rten gsum mang po bzhengs shing | nya ras ser sde 'dus pa mang tsam rgyun 'tshogs bcas khong nyid kyis bar skabs su 'dus sde ches mang la rdo rje 'phreng ba'i dbang bskur rgyas pa sogs chos bka' yang mang po bka' drin kyang mdzad | dgon der rje nyid kyis sa ga zla ba'i dus mchod sogs bar bar rnams su dus kyi mchod 'tshogs du ma legs 'dzugs kyi mdzad sgo gnang zhing | de sogs bstan 'gro'i don la byas rjes mi dman pa'i rang re'i bstan rtsa mchog gyur cig nges par byon pa nas bzung de'i rjes 'jug kyang 'ga' re dus phyis su yod par mngon no | |
de lta bu'i 'brog dge'i slob dpon thog ma gang gi gdung rigs dang slob brgyud du skyes chen mang po byon zhing gong du smos pa bzhin 'brog dge'i sku dbon kun dga' lhun grub pa'i ring nas bzung de phan bla rabs du ma'i bar rtsi nang dgon bdag tu nges pas rjes sor gyi skabs rnams su 'brog dge'i sku rigs dang slob brgyud du gtogs pa dag gis de lugs bzhin gyis rtsi nang dgon 'di la zhal bdag gi thugs 'gan legs bzhes mdzad nges nas dgon 'di nyid kyi sgrub phug gi gnas su sngon chad 'dzam thang gtsang pa'i sku dbon lhun grub rgya mtsho'i thugs sras su gyur pa gcod pa kun dga' bstan gsal zhes bya ba phyag phebs nas sgrub phug der zab mo'i rnal 'byor sgom bzhin bzhugs pa'i dus su gcod pa khong nyid kyi sgrub phug tu ma cig gi sku brnyan byin ldan legs bzhengs mdzad cing | de rjes su gcod pa de nyid kyi dngos slob grong mang bla ma ngag dbang 'jigs med ces bya ba sgrub gnas der bzhugs pa ni khong nyid kyis yi dam spyan ras gzigs dang ma cig lab sgron gyi dngos zhal dag snang du mjal bas nyid ji bzhin rjes su bzung ba dang | bka' bsrung khyab 'jug chen po dang dpa' bo dur khrod bdag po