[A:532] khong gis ci dgar bran du bkol nus pa'i legs mthu nye bar mnga' la | de nas rim pa bzhin rtogs pa dang mthu nus mnga' ba'i sgom chen pa rag bla ngag dbang tshul khrims rgya mtsho dang | stong tsha bla ma ngag dbang rgyal mtshan sogs rnal 'byor mchog mnga' skyes chen mang dag cig legs bzhugs kyi sgrub gnas su nges par gyur phyir deng skabs ma cig gi sgrub phug ces pa'i tha snyad yongs grags su song ba 'di ka ltar te de 'dra'i gnas dang nye ba'i dgon sde chos gzhi ni rtsi nang dgon dpal mi 'gyur nges don bde chen gling zhes bya ba de yin zing | dgon der sngon byon 'brog dge'i gdung slob gang dag gis 'dzin bdag spyi dang 'brog dge yon tan rgya mtsho nyid bka' drin lhag par che zhing rje khong nyid kyis dgon der mchog dman thams cad la kun spyod gtsang dag gi bca' khrims bsgrig yig legs brtsams kyi sgo nas yul dpon zung gis de lugs bzhin gyis bka' phebs legs sgrub gus 'dud bla med bcas lam lugs gang thad du dgon de la zhabs 'degs khyad par bas chos khrid dang sgrub mchod rgyun 'dzugs rten gsum legs bzhengs sogs phun tshogs legs byas kyi dpal kun nas rgyas bzhin rje bla ma mchog gang nyid kyis bar bar rnams su dgon gnas der mi ra bshogs chung dge bshes tshul khrims dbyangs can dang | a lags rnam snang rdo rje'am grong mang pa dkon mchog chos bzang sogs bla grwa phal mo che la chos 'khor rgya chen legs bskor gyi mdzad bzang sogs sgo gang thad nas rje gang nyid kyi sku dus su dgon pa chos sde rab rgyas la 'gal rkyen kun bral lta bur nges nas bde bar bzhugs kyang de rjes sku dbon thab? bstan rgya mtsho'i ring rab byung bco lnga pa'i lcags yos lor gnam bskos gong ma keng shu nyid dgung grangs bcu bdun bzhes skabs su rnga yul bsu stod pa dang byang bla brang ma mthun pa'i rkyen gyis bla brang de phyogs kyi 'go blon dpa' sher dang 'gyang gnyer sogs mi drag 'gas gting bskul gyi sgo nas dmag dpung che ba'i 'khrugs pa rnga yul du lhags nas zla 'gar dmag sgar btab nas 'jigs zing cher bskul byas kyang de mtshams nas zhi 'jags la chas tshe bla brang gi sku tshab tshul khrims nag tho zer ba'i bstan la gnag sems can zhig gis rang re'i bstan dgon la gnod 'tshe byed pa'i chom po zag nyul lta bu'i bstan dgra'i bya ba 'dzem med byas te rtsi nang dgon pa la me brgyab cing bstan bdag sku dbon 'khor bcas mang tsam dmar gsod du btang zhing dbon dkkn mchog blo gros sogs bla grwa 'ga' gson bzung byas pa sogs mi 'os pa'i bya ba ches ngan pa chog shes med par rang re'i dgon sde la de 'dra nye bar spyad pa'i da dgra bdo ba'i dus nyag la thugs skabs 'dzam thang gtsang chen rdo rje slob dpon ngag dbang chos 'byor zhabs pa dang | a lags grong mang rin po che rnam gnyis kyis gtsor gyur rang re'i bla grwa phal mo gang dag gis bstan la thugs khur legs bzhes kyi ngang nas chos skyong rbad bskul mdzad pas cher ma 'gyangs par nyes can rnams la rtags mtshan mngon du bstan de bla brang phyag mdzod 'khon