[A:540] zhabs pa de nyid kyis kyang rje bla ma dam pa zur mang p'i drung nas chos bka' thun mong dang thun mong ma yin pa ches mang po legs par gsan zhing rang gis nyams bzhes dang gzhan dag la 'chad spel zung gis rang re'i bstan la byas rjes che tsam 'jog mkhan gyi bstan 'dzin phul gyur cig ste | bla ma dam pa gang nyid kyis rjes sor gdul bya rjes bzung gi skabs thugs slob gtso bo ni karma 'od gsal nyid yin pas bla ma dam pa nyid kyis slob tshogs la dbang lung man ngag nam gnang ba'i skabs su slob bu karma 'od gsal nyid la sgos su chos bka' cher thob kyi thugs mos ha cang che ba'i gsung zur dang mdzad sgo gnang ba ltar de phyis su karma 'od gsal mchog gi bka' drin las rang re'i dam pa gong ma 'dzam thang gtsang pa dge slong sogs nas bzung da bar du chos bka' dbang lung gi rgyun nam yang chad med du nges par byung ba'i skal ba bzang po 'di ga ltar lags | |
bla ma dam pa mgon po tshe dbang |
6. de rjes su sprul sku karma rin chen pa gang nyid kyi thugs slob bla ma dam pa mgon po tshe dbang ngam mtshan gzhan karma 'od gsal 'gyur med ces bya ba ni | thog mar sku na gzhon pa'i dus su nyid kyis sprul sku gang gi drung du chos bka' ci dgos mtha' dag gsan bsam gyis rang don legs grub kyi ngang nas bar skabs shig gi ring sgrub blar byas te sgrub khang du legs bzhugs mdzad rjes tsam na de dus kyi klad kyi gtso bla si tu padma nyin byed dbang po yin pas khong gi bka' nan la brten nas rje karma 'od gsal nyid rdo smad phyogs su bla tshab la phebs dgos byung bas de phyogs su rje gang nyid ring zhig bzhugs pa'i skabs su khong sku drung du zab bka' rgya cher zhu slad a mchog rin po ches mngag pa'i wa shul drag mgon bla ma ye shes phun tshogs sam mtshan gzhan grub dbang bde ba'i rdo rje zhes pa dpon slob dang | 'dzam thang phyogs nas gtsang pa dge slong ngag dbang chos 'phel | grub dbang klu sgrub rgya mtsho | thugs sras ngag dbang nor bzang sogs dpon slob ches mang phebs nas rje bla ma karma 'od gsal rin po che'i mdun du | khong de rnams kyis rje btsun tAranAtha'i bka' 'bum yongs su rdzogs pa'i dbang lung khrid gsum ma tshang ba med par gus pa chen pos legs zhus ltar thams cad bum pa gang byos tshul du ji bzhin dus su legs gnang gi bka' drin mdzad pa las gtsang pa dge slong nyid 'dzam thang gtsang chen bla ma'i rgyal tshab yin stabs gtsang pa'i sgrub sde ba gang dag la dus kyi chos khrid dgos gal la der phebs dgos pas bka' 'bum cha tshang cung zhu skabs ma 'grig kang rjes nas ngag dbang nor bzang gis chos bka' de dag cha tshang gsan thub pas phyis su rje dge slong nyid la thugs sras Nor bzang gis de lhag cha tshang legs 'bul kyang mdzad de tshul de lugs kyis rje bla ma karma 'od gsal nyid kyi bka' drin la brten nas rje btsun rin po che'i bka' 'bum dbang lung zab khrid kyi sgo ma lus pa rang re'i bla