[A:541] ma rje rdo rje 'chang ngag dbang chos 'phel rgya mtsho nas bzung da lta'i rang cag gi rtsa ba'i bla ma rnams la thug gi bar dbang lung man ngag chu bo'i rgyun lhug par stsol ba 'di bzhin gyi bsod nams dbang skal la nye bar spyod pa 'di ga ltar dang | gzhan yang gsang 'dus 'jam pa'i rdo rje dang mi bskyod rdo rje lta bu 'ga' re 'jam mgon kong sprul rgyal rong phyogs su phebs lam du 'dzam thang la phyag phebs kong sprul nas gtsang pa dge slong la gsungs so | | de yan chad kyis rang re rgyal ba jo nang pa chen po'i nges don rdzogs ldan chos mchog gi rang lugs 'dzin skyong spel bar mdzad pa'i brgyud rim stong pa sangs rgyas nas bzung 'phags yul dang bod ljongs mdo smad bcas kyi nges don gyi chos brgyud legs par 'dzin pa don gnyis rlabs chen gyi spyod bzang mnga' ba gang dag da lta'i rang re'i rtsa ba'i bla ma'i bar che long tsam brjod 'os dus su legs par song zin lags |
gnyis pa | bsdus don bshad pas mjug bsdu ba |
1 dpal ldan jo nang pa'i chos kyi brgyud rim gyi mtshan tho |
de nas rang re'i chos bka' gang gi brgyud rim ji ltar yin tshul mtshan tho tsam rim par smos pa skabs su babs te | de la'ang mchog gi dang po'i sangs rgyas las byung ba dpal dus kyi 'khor lo'i bsdus pa'i rgyud dag | de'i 'grel chen dpal dri ma med ba'i 'od ces bya ba rtsa 'grel le'u lnga pa de gnyis shambhalar chos kyi rgyal po rigs ldan 'jam dpal grags pa dang | de'i sras rigs ldan padma dkar po rnam gnyis kyis rim pas mdzad pa de dag kha che'i paN chen zla mgon dang | 'bro lo tsA ba shes rab grags pa zung gis lo paN mdzad de ji bzhin legs bsgyur gyi rgyud rgyal rtsa 'grel 'di la rjes nas shangs ston rdo rje rgyal mtshan gyis 'gyur bcos kyang byas shing de la 'phags pa spyan ras gzigs dbang phyug gi rnam par rol pa chen po khams gsum chos kyi rgyal po rje jo nang pa chen po'i gsung gi gsang ba'i rjes su 'brang ste chos rje nyid kyi rgyal tshab lo tsA ba blo gros dpal dang | sa bzang paNTita lo tsA blo gros rgyal mtshan rnam gnyis kyis de 'dra'i dus kyi 'khor lo'i rgyud rtsa 'grel gyi 'gyur la zhus chen legs bgyis mdzad cing rje jo nang pa yab sras rnam gsum gyis rgyud rtsa 'grel zung gi gnad don nyer bsdus kyi mchan 'grel ngo mtshar zab don dpyis phyin par gnas lugs de nyid rnam par gsal byed rnad du byung ba'i legs bshad bla med bka' drin du mdzad pa las rjes sor chos kyi rje kun mkhyen chen po khong gis rang nyid kyis mdzad pa'i rgyud 'grel chen mo'i mchan la gzigs nas thugs ya mtshan pa'i