[A:542] tshul gyis gnang nges par byung ba 'di lta ste | a la la 'di 'dra kho kun su yis mdzad de ngo mtshar che | zhes gsungs nas phyag thal mo yang yang sbyor bzhin nges don zab mo'i go lugs 'di 'dra la bltas tsa na nga rang yang su yin nam snyam pa yong gin 'dug ces khong nyid rigs ldan dngos sprul du thugs yid nges par ches te chos rje nges don btsan pa'i mnga' bdag gang nyid kyis ston pa bcom ldan 'das kyi dgongs chen zab mo mdo sngags kyi gnas lugs mthar thug gi nges gsang mkhas mang phal gyis ji bzhin rtogs dka'i gnas tu gsang chen nges pa don gyi chos mchog rdzogs ldan rang lugs kyi srol gangs ri'i ljongs 'dir rgyal ba nyid kyi dgongs pa sngon dga' ldan du rgyal tshab byams pa dang shambhalar chos rgyal rnam gsum gyis ji skad legs bkral mdzad la ltar thugs mkhyen rab rgya che bas zab dgongs gting dpog pa'i sgo nas sngon med mchog gi shing rta'i lam bzang rang stobs kyis 'byed pa ni chos rje khong nyid nyag gcig tu rnam par nges pa'i tshul gyi zhal bka' bslu med dus dus su legs byung mdzad pa ltar don gyi gnas tshod 'gyur med bden don mchog nyid du gor ma chag par tshad mas legs grub kyi gnas mi bslu ba ste | de lta bu'i lung rigs yang dag gis rtsal thon mdzad cing sgrub pa'i rgyal mtshan gzhan kun las khyad par du 'phags pa srid 'dir nges par bsgrengs ba'i zab mo chos kyi mthar thug rgyud rgyal dus kyi 'khor lo'i rtsa 'grel gang dag gi lung khrid man ngag gi brgyud pa'i rim pa gang zhe na | de la thog ma'i sangs rgyas kun don dam chos sku'i de nyid dam pa dang po'i sangs rgyas ye nas kun khyab gdod ma'i mgon du rang byung rtag pa'i khams su nye bar bzhugs pa 'khor 'das mtha' dag gi spyi dpal rigs kun gyi khyab bdag dkyil 'khor rgya mtsho'i mnga' bdag gang de ni thog ma'i mgon po mthar thug pa ste | gnas lugs de nyid las gzhan snang ngor rang rang dang 'tsham par mdo dang sngags kyi theg pa sna tshogs pa'i chos brgyud rim par byung ba las 'dir skabs su babs pa 'og min zhing du 'khor dag pa'i dbus su bzhugs pa chos sku rdo rje 'chang chen po dang | de las 'phags yul 'bras spungs mchod rten du rnam par 'phrul ba longs sku bde stong zung 'jug kyi 'khor lo | 'phags yul du gdul bya thun mong ngor sprul pa'i sku shAkya thub pa | dus 'khor mchog gi drung nas rgyud zhu ba po chos rgyal zla bzang nas shambhalar chos rgyal rim byon gang dag dang | de rnams las rigs ldan rgyal dka'i dus nas 'phags yul du rgyud gdan 'dren mkhan grub chen dus 'khor zhabs pa 'jam pa'i rdo rje nas bzung 'phags bod du rim byon 'bro lugs sbyor drug brgyud pa'i bla ma paN chen zla mgon nas zhang kun spangs pa'i bar dang | de nas kun mkhyen chos kyi rgyal po'i bar dang | de nas 'jam mgon bla ma kun dga' snying po'i bar du dus 'khor brgyud 'debs ji lta ba bzhin la | de nas rim pa bzhin jo nang rgyal tshab rin chen rgya mtsho | 'brog dge kun dga' dpal bzang | chos skyong don 'grub | kun