[A:545] rjes su | rNga yul ri khrod pa kun dga' rgya mtsho sogs nas yul de phyogs su sbyor drug brgyud rim sna tshogs pa mang tsam du 'dug go | |
rang re'i nges don bstan pa'i mnga' bdag rigs ldan sprul pa'i sku kun mkhyen chen po dol po sangs rgyas kyi bka' 'bum glegs bam drug dang skyes rabs rnam thar gyi po ti gcig ste gsung pod bdun phrag gcig gi bklag lung zab khrid kyi brgyud rim ni | dus gsum sangs rgyas thams cad kyi sprul pa mtshan brjod par dka' ba don gyi slad du mtshan nas smos na kun mkhyen rton pa bzhi ldan dol po pa shes rab rgyal mtshan dpal bzang po gang nyid dang | de nas rim pa bzhin gang gi thugs sras chos rje yon tan bzang po | chos rje bsod nams dpal | 'dzam thang ba chos rje gzhon nu rgyal mtshan | slob dpon rin chen pa | chos rje rgyal ba bzang | bla ma khro bcu pa | bla ma bho wam ro ba | rje btsun ye shes rdo rje | tsho bzhi'i bla ma phun tshogs | kun dga' rin chen | ngag dbang rin chen | 'brog dge kun dga' lhun grub | kun dga' bkra shis | ngag dbang rgyal mtshan | gtsang sprul 'jigs med rnam rgyal | ngag dbang chos 'phel | chos kyi 'phags pa dang | ngag dbang chos 'dzin gnyis | kun dga' mkhas dbang | rin chen bzang po | rin chen 'od zer te | gang des bdag la bka' drin du mdzad cing | gzhan yang ngag dbang rgyal mtshan gyi rjes nas rNga yul phyogs kun dga' bstan pa chos 'phel | kos lha kun dga' chos dbyings | rdo rje 'dzin pa blo gros mtshan can | klu sgrub rgya mtsho | ngag dbang 'jigs med | 'jam dbyangs rgya mtsho | 'brog dge yon tan rgya mtsho | grong mang rnam snang rdo rje sogs nas khams rNga yul phyogs su brgyud tshul te | de 'dra du ma yod par mngon no | |
spyi rNga yul phyogs su dus 'khor gyi rnal 'byor pa sgom chen bstan pa snying po bya ba sngon rtag brtan du rje btsun rin po che'i drung nas dge slong 'chi med ces bya ba dang | lung pa zhig gi mgor a dpa' 'jam dbyangs bstan 'dzin zer ba'i ri khrod pa cig dang | the bo'i yul phyogs kyi rnal 'byor pa tshe mtshams pa bzang po sogs sngon gnas kyi skye ba ji bzhin gsal po thugs mngon shes kyis mkhyen pa sogs nang rtogs kyi yon tan mnga' ba zhig yin | mkhan bla kun dga' bstan pa chos 'phel yang grub chen dus zhabs pa'i sprul par grags shing thugs stong gzugs phyag chen las ma g.yos par las rlung dbu mar thim pas gzhom med NA da'i dbyangs nas dus gsum gyi lkog gyur phal cher ji bzhin thugs mngon shes kyis gzigs pa'i skyes chen dam pa zhig yin tshul gong du mtshon tsam bshad zin ltar dang | paNDita kos lha kun dga' chos dbyings ni rig pa'i gnas lnga la mkhas pa khyad par bzo rig phul du son zhing nang rtogs dus 'khor gyi rim gnyis la myong rtags khyad par can thugs la mnga' ba mkhar bla gang nyid kyi mdun nas kos lha rang gis dbang bskur nod skabs dag snang ngor mkhar bla rin po che nyid