[A:546] chos rgyal rigs ldan bzang po'i bzhugs stangs kyi rnam pa phyag gis shel 'phreng brgya rtsa lnga bcu yod pa thugs slob kos lha nyid kyi mgrin par bskon te zhal nas lnga bsdus rtsi gzhung rtsom bskul gnang ba'i thugs snang byung ba dang | yi dam sgrol ma'i thugs rjes legs bzung gi dge mtshan gsal po dus su mngon par shar ba sogs gsang gsum mdzad rlabs nges par che ba zhig kyang yin no | |
rje 'jam mgon grub pa'i dpa' bo dpal ldan kun dga' grol mchog blo gsal rgya mtsho'i bde dgyes sde zhes bya ba gang gis dam pa'i chos kyi man ngag zab mo'i bcud kun legs bsdus kyi tshul du mdzad pa grol mchog khrid brgya zhes grags pa zab mo'i khrid tshan brgya rtsa brgyad kyi bklag lung tshar gsum phyag bzhes kyi bka' srol mchog gi brgyud rim ni | rje btsun bla ma kun dga' grol mchog khong nyid dang | de nas rim par thugs sras mkhan chen lung rig rgya mtsho | rje thams cad mkhyen gzigs sgrol ba'i mgon po | rgyal tshab rin chen rgya mtsho | dge slong sNying po mtha' yas | rje kun bzang dbang po | tshe dbang nor bu dang kun dga' rnam rgyal gnyis | de gnyis nas chos kyi 'byung gnas karma 'gyur med | pad ma nor bu | dpal ldan mi pham chos rgyal | kong sprul yon tan rgya mtsho | de nas 'dzam thang sgar gong 'og gi rdo rje 'dzin pa ci rigs pas gsan bzhin lung rgyun da lta'i bar ma chad tsam bzhugs | yang grol mchog khrid brgya zhib khrid lugs kyi brgyud rim ni | rje grol mchog gang nyid dang | gang gi zhal sngar gsan pa | lung rig rgya mtsho dang | lha dbang grags pa gnyis | de gnyis ka nas rje bla ma sgrol mgon zhabs | khong nas gsan pa rje btsun 'phrin las dbang mo dang | rin chen rgya mtsho gnyis | de gnyis nas dge slong sNing po mtha' yas | kun bzang dbang po | de nas tshe dbang nor bu dang gong bla kun dga' rnam rgyal gnyis | gong bla de nyid las 'dzam thang sgar gong 'og gi bla sprul ci rigs la thob chog gam snyam la | gzhan yang kun bzang dbang po'i rjes nas | sngags gsar phyogs lcags zam pa blo bzang dpal grub | lcags thang ba bkra shis 'byung gnas | 'jam dbyangs bzhad pa 'jigs med dbang po | ngag dbang blo bzang | bde ba'i rdo rje | dkon mchog rgyal mtshan | bka' 'gyur ba shes rab rgya mtsho | a mchog sprul sku dkon mchog bstan pa'i rgyal mtshan | dkon mchog mkhas grub | rang re jo nang pa 'brog dge yon tan rgya mtsho | grong mang rig 'dzin rnam snang rdo rje sogs nas rNga yul phyogs su brgyud tshul zhig kyang yod la | 'di ni dmar khrid ltar gyi khrid tshul rgyas pa yin mod | 'on kyang gong ltar bklag lung bzhin byas pas khrid kyi go chod par gsung srol yod pa yin zhing | gang ltar yang brgyud ldan gong ma rnams kyi nyams len phyag bzhes ma chad pa'i byin rlabs don brgyud du grags skad |
yang khrid brgya zhes grags pa de'i thun mong yin pa'i rtogs pa mchog gi khrid tshul la | sngon