[A:547] 'gro'i khrid ji skad bshad bzhin song nas dngos gzhi la | mdor bstan pa dang | rgyas par bshad pa | don bsdu ba ste sa bcad gsum gyis 'chad tshul byin rlabs rtogs mchog gi lugs kyi brgyud rim ni | rje grol mchog | lha dbang grags pa | sgrol ba'i mgon po | kun dga' dbang mo'am rin chen rdo rje ma | rgyal tshab rin chen rgya mtsho | sNying po mtha' yas | kun bzang dbang po | tshe dpang nor bu | chos dbyings rang grol | kun bzang chos 'byor | spo ra ba blo bzang mthu stobs | gtsang sprul 'jigs med rnam rgyal dang | ngag dbang chos 'phel gnyis | de gnyis nas chos 'phags | chos 'byor | bstan pa gsal byed kyi bar rim par byung ngam snyam | gzhan spo ra ba blo bzang mthu stobs kyi rjes nas | sngags gsar phyogs lcags zam sprul Nyi ma chos 'phel | zhwa lu blo gsal bstan skyong | ris med bstan 'dzin zhabs drung 'jam dbyangs mkhyen rtse'i dbang po | kong sprul yon tan rgya mtsho | mkhan bkra shis 'od zer | kun dga' 'gyur med chos dabng sogs tshul de lugs ltar byung ba'ang yod la | de lta bu'i grol mchog khrid brgya'i rgyab chos lta bu ni 'jam mgon kong sprul gyis bsgrigs pa'i mdzod lnga'i ya gyal gdams ngag mdzod ces pa sgrub brgyud shing rta rnam brgyad kyi chos bka' legs par bzhugs pa de yin | rje btsun rin po che'i sgrub thabs rin 'byung gi rgyab chos lta bu ni zhabs drung rin po ches bsgrigs pa'i sgrub thabs kun btus zhes bya ba zab bka' rgya cher nyer bzhugs kyi legs par bshad pa'i man ngag gi mdzod chen po de yin no | |
rje btsun thams cad mkhyen pa tAranAtha'i bka' 'bum deng skabs spar du 'khod nges kyi glegs bam bcu dgu hag gi skor smin byed dbang lung sogs kyi brgyud rim tha dad pa mang po bzhugs pa las 'dir so sor cung zad tsam smos pa la | spyir rje btsun kun dga' snying po bkra shis rgyal mtshan dpal bzang po gang gi bka' 'bum gsung rab mchog gi brgyud rim tha dad pa mang na chos rgyun la gtso bor bka' drin nges par che ba ni rje grub pa'i dbang phyug sgrol ba'i mgon po kgong nyid dang | de nas rim par thugs sras dang gzungs mar gyur pa rnal 'byor ma chen mo rje btsun ma 'phrin las dbang mo'am mtshan gzhan rarna badzra Ni'am bde chen lhan skyes ryal mo zhes bya ba gang nyid rje btsun rin po che'i zab bka' kun gyi mdzod nye bar 'dzin mkhan dang | des rdo rje'i rnal 'byor mchog brnyes sdom brtson dam pa | dge slong sNying po mtha' yas la gnang | des mkhas grub blo gros rnam rgyal | ngag dbang 'phrin las gnyis la gnang ba nas bzung gong smos ltar kun bzang dbang po | tshe dbang nor bu | 'brug pa | si tu | zur mang pa | karma rarna | 'od gsal 'gyur med | gtsang pa dge slong chos 'phags | chos 'byor | don ldan | ngag gsal gyi bar da lta yan du bzhugs pa 'di ga ltar yin la | khyad par rje btsun gyi bka' 'bum las bung ba sgrub thabs rin chen 'byung gnas kyi dbang bka' rjes