[A:550] brgyud yig ltar las | dpal spungs pa man chad rim par gtsang pa dge slong nas bzung da lta'i gtsang pa'i rdor slob ngag dbang dkon mchog gi bar bzhugs pa las | nyid kyi mdun nas rang la thams cad rig pa'i dbang bka' tsam thob |
yang bka' 'bum de nyid kyi khrod du bzhugs pa rje btsun thams cad mkhyen pa gang nyid kyis gangs ri'i ljongs sor 'phyi tsam la gsar 'gyur gyi tshul du legs bsgyur mdzad pa'i sgrol ma rnal 'byor ma zhes bya ba'i rgyud la brten pa'i sgrub dkyil gyi sgo nas zab mo'i dbang gi brgyud pa'i rim pa ni | rje tAranAtha khong dang | rje btsun ma 'phrin las dbang mo | dge slong sNying po mtha' yas | kun bzang dbang po | tshe dbang nor bu | 'phrin las shing rta | chos kyi 'byung gnas | tshe dbang kun khyab | bstan 'dzin rab rgyas | karma 'od gsal 'gyur med | gtsang pa dge slong | ngag dbang chos 'phags | ngag dbang chos 'byor | kun dga' mkhas dbang | ngag dbang bstan pa gsal byed kyi bar du legs par bzhugs la | de dag ni 'dzam thang dang rNga yul du rang re'i dbang lung gdams pa ji ltar dar ba'i gtsang pa sgar phyogs kyi brgyud rim gtso che ba gang dag ste gzhan yang 'dzam thang sgar gong ma rnam gnyis phyogs kyi sprul dbon bla ma mang dag las kyang 'dzam thang 'dir brgyud rim 'ded tshul kha skong gi rim pa 'dra min sna tshogs re yod kyang | de dag gi phug gtso che ba gong smos rnams la thug phyir brgyud tshul 'dir smos gang dag tsam gyis chog par mthong zhing | yi ge mang ba la'ang 'jigs nas re zhig de zhig de tsam du bzhag pa yin la | de lta bu'i rje btsun thams cad mkhyen pa'i bka' 'bum las byung ba'i rgyud sde'i dbang bka' de dag las | sgrub dkyil yod pa gang dag la dbang bskur tshul gyi lag len ches gsal zhing | sgrub thabs tsam las med pa rnams la dbang chog gi rim pa lag len gang ltar dgos tshul dang cho ga gzhan gang gis 'gebs na stabs bde khog mthun 'ong |
yin lugs de 'dra'i thad nas 'dzam thang gtsang pa'i rdo rje slob dpon ngag dbang chos 'byor zhabs pas 'dzam thang nas sde dge dpal spungs su legs bzhugs kyi 'jam mgon kong sprul yon tan rgya mtsho'am | mtshan gzhan blo gros mtha' yas sam padma gar gyi dbang phyug rtsal du 'bod pa gang gi sku mdun du | de lugs rgyud sde'i dbang bskur tshul la dri ba dogs gcod kyis zhu yig legs phul mdzad pa'i lan | rje kong sprul rin po che nas gsungs pa 'di lta ste | gshin rje rab 'byams la dkyil chog so sor 'byung ba lags kyang rje btsun bka' 'bum du sgrub thabs tsam las mi bzhugs pas | dbang rgyun lha lngas 'gebs gsungs | yang de mtshungs bde rab dbang rgyas na bde mchog stod 'grel | bsdu na bde mchog bdag dbang gis 'gebs gsungs pa blo dman la rgyun mi chad pa tsam gyi stabs bde bar dgongs pa las | tshul bzhin byed dus de rigs kyis mi 'thus pa'i rgyu mtshan mang | des na