[A:553] sems can de dag gi yul snang gi myong sgo yan bde sdug btang snyoms kyi rnma pa gang yang rung ba sna tshogs 'dra min gyi sgo yang ches mi gcig pa mang po byung bas sems gang dag rang rang gi snang bar rgyud tha dad pa mtha' klas pa'i spyod tshul rnam pa sna tshogs pa de snyed kyi so so ba ci dgar dbang bsgyur dka' ba'i gnas su snang ba 'di dag ni mi bden pa brdzun snang du thun mong dbu ma'i rigs lam las thag nges par chod pa gang zhig | de thams cad kyi gshis kyi gnas lugs mthar thug gi tshul de ni gdod nas kun khyab rtag pa dang ther zug gi rang bzhin nam yang ris su ma chad cing kun nas rnam pa thams cad pa'i bdga nyid rang byung ye shes kyi dgongs klong nyag gcig tu gyur pa de ka'i dbyings nyid ni 'od gsal sku thugs zung 'jug dkyil 'khor rgya mtsho'i bdag po rigs kyi mgon gsang gsum mdzad pa mkha' mthar spro ba'i ye gzhi gsar byung 'khor 'das mtha' dag gi dwangs ma'i dwangs ma chen po dus gsum rgyal ba ma lus pa'i rang bzhin don dam pa'i chos kyi sku brtan g.yo kun la khyab pa de nyid de sangs rgyas thams cad kyi chos sku yin pa ma zad sems can ma lus shing lus pa med pa gang dag gi'ang gzhi'i dus kyi gnas lugs de bzhin nyid du gyur pa dag mnyam kho na khyad med du nges par bzhugs pa sems can sangs rgyas kun gyi spyin nor mchog tu gshis kyi gnas lugs 'gyur med bden pa nyid du thams cad mkhyen pa'i dgongs spyod tshad ma bla med kyi gzigs yul du legs par grub pa'i phyir | des na glo bur rdzun pa dang gnas lugs bden pa de 'dra yin na rtsa brgyud bla ma gang dag gi dgongs klong mthar thug do dam gzhi dbyings nyid kun nas ro mnyam gcig nyid du nges par yin shin tu rung ste | 'khor 'das brtan g.yo gang thad nas gnas lugs rang byung ye shes kyi srog chen po nyag ma gcig pu gdod nas sku gsum rang chas su rgyal ba mchog gi mkhyen bzang gi yul du rnam par bden pa nam yang bslu med kyi gshis lugs yin na rang re'i nges don chos brgyud 'dzin skyong spel mdzad kyi gdul bya 'dren pa'i mgon po mchog gang dag gi thugs gshis don dam nges don gyi ye gzhi chos sku ni ris su chad min rnam kun mchog dang ldan pa'i dang po'i sangs rgyas kun khyab rtag pa'i dpal du lung rigs gang thad nas nges par 'thad cing don la yongs su grub pa'i gnas lugs zab gsang gi de nyid du gor ma chag pa'i phyir ro | |
de lta bu'i rtsa brgyud bla ma gang dag gi don dam chos sku nyag gcig gi gshis lugs dngos de ni dam pa dang po'i sangs rgyas zhes bya ba nyid du legs par nges pa'ang yin te | de ni gdod ma ye nas mthar thug gi gnas lugs de kho na nyid du nges par bden pas don gyi dam pa dang ye gdod ma nas gzhi 'bras dbyer med kyi chos sku don dam sku gsum lhun grub tu chos nyid de kho na mchog gi gnas lugs gsang ba gsum gyi yon tan gangA'i klung gi bye snyed las kyang 'das shing rmad du byung ba ngo mtshar