[A:556] med du dngos su bzhugs pa de chos gong ma'i gnas nges pa don gyi bla ma nyid du gshis lugs su grub cing gdod nas rang byung gi myang 'das zhi ba'i dbyings rang gi ye shes mchog gi spyod yul du bzhugs pa'i cha nas don dam skyabs gsum gyi rnam par bden pa yin te | tshul de lugs la dgongs nas nges don bla ma skyabs gnas rin chen gsum de nges pa'i don ye shes grub pa'i rgyud las ji skad gsungs pa'ang | bla ma sangs rgyas chos 'gyur zhing | | dge 'dun yang ni de nyid de | | de 'dra nyid kyi shes gyur pas | | de bas dkon mchog gsum yin no | | zhes byung zhig de dang zhal mthun du gzhan yang | sdom pa 'byung ba'i rgyud las | bla ma sangs rgyas bla ma chos | | bla ma de bzhin dge 'dun te | | sangs rgyas kun dang mnyam sbyor ba'i | | mkha' 'gro ma yi drwa ba sdom | | zhes dang | bde mchog rtsa rgyud las | sangs rgyas thams cad 'dus pa'i sku | | rdo rje 'dzin pa'i ngo bo nyid | | dkon mchog gsum gyi rtsa ba ste | | zhes pa la sogs pa ches mang po gsungs pa'i phyir dang | yang nges pa don gyi gnas lugs kyi ngo bor gyur pa'i bla ma gang dag don dam sangs rgyas kun mnyam gyi rdo rje 'chang dang gnas lugs 'gyur ba med pa'i rdo rje 'dzin pa chen po nyid du'ang kun gzigs rgyal ba mchog gis bka' legs par stsal ba yin te | tshul de lugs la dgongs nas sgyu 'phrul drwa ba'i rgyud las | slob dpon ji ltar zhe na | | bla ma sangs rgyas kun dang mnyam | | de nyid rtag tu rdo rje 'chang | | zhes dang | bshad rgyud rdo rje 'phreng ba las | bla ma dang ni rdo rje 'chang | | tha dad par ni mi brtag go | | ces dang | rgyud rgyal las kyang | mi yi 'jig rten rnams su nyon mongs rnam bral bla ma gang dag rdo rje 'dzin bdag nyid | | sems can rnams la de yis bde mnyam 'bras bu thar pa ster bas phyag bya mchod bya sras rnams kyis | | zhes pa la sogs pa'ang gsungs pa'i phyir |
rje btsun dpal ldan bla ma gang dag gi gnas lugs don dam pa'i chos sku gcig pu nyid phung po lnga'i chos nyid rgyal ba de bzhin gshegs pa lnga dang khams lnga'i chos nyid don dam dbyings kyi yum chen lnga dang skye mched bcu gnyis kyi chos nyid sems dpa' dang sems ma bcu gnyis yan lag dag gi chos nyid khro rgyal rnam bzhi'i ngo bor ye nas gnas lugs su nges par bden pas de 'dra'i chos nyid rnam pa thams cad pa'i bdag nyid yin pa'i cha nas gzhan gdul bya'i mos snang gi chos can kun rdzob kyi bla ma slob dpon gyi rnam pa gang dag kyang rang rang gi slob tshogs rnams kyis mos 'dun de lugs kyis byin rlabs kyi sgo nye bar 'bebs pa la dgongs nas rgyAl ba mchog gis de lugs bzhin gyi bka' stsal ba'ang 'di lta ste | dpal gsang 'dus las kyang | rdo rje slob dpon lus 'di la | rgyal ba'i sku ni rim bzhin gnas | | de yi gzugs kyi phung po ni | | sangs rgyas rnam par snang mdzad yin | | tshor ba rdo rje nyi ma ste | | 'du shes padma gar dbang phyug | | 'du byed rdo rje rgyal pa ste | | rnam par shes pa mi bskyod pa | sa ni spyan zhes bya ba ste | | chu yi khams ni mAmakI| | gos dkar sgrol ma zhes bya ste | me dang rlung du rab tu grags | | nam mkha' rdo rje dbyings phyug ma | | rdo rje'i skye mched 'di dag kyang | |