byang chub sems dpa' dkyil 'khor mchog | | yan lag khro bo rgyal po rnams | | zhes gsungs pa'i dgongs pa de bzhin gnas pa'i phyir |
tshul de lugs ltar gong smos dag gi don yang gzzhi'i gnas lugs chos nyid don dam skyabs gsum dang po'i sangs rgyas rdo rje 'chang sogs sku dang ye shes rgy mtsho'i bdag nyid du kun nas rnam pa thams cad par bden pa'i cha nas chos can kun rdzob mdzad tshul gyi rnam pa gang dag kyang tshul de lugs dang mthun par rgyal ba nyid kyis gdul bya'i bsam ngo la ltos nas dgos dbang gis gsungs pa ches mang po yod pa rnams kyi gdad gsang phyin ci ma log par rtogs pa gal che'o | |
de lta bu'i gzhi'i gnas lugs rgyal kun gzhi dbyings chos kyi sku nye bar mnga' zhing gnas lugs de nyid mngon du gyur pa'i ye shes don gyi rtsal dbang rag gis ji bzhin thabs sla bas gzhan la gdams shing bskur ba po'i gsang chen sngags kyi rdo rje slob dpon gang nyid kyi bka' drin gyi cha la phyogs bcur bzhugs pa'i sangs rgyas gang dag gis thugs kyis yi rang ba'i sgo nas gus phyag 'tshal ba 'gyur ba ste | bla ma lnga bcu pa las | dbang bskur mchog thob rdo rje yi | | slob dpon la ni de bzhin gshegs | | phyogs bcu'i 'jig rten khams bzhugs rnams | | dus gsum du ni mngon phyag 'tshal | | zhes gsungs pa ltar ro | |
de dag don gyi gnas lugs nges pa don gyi slob dpon chen po yid ches bya ba'i tshul thun mong ma yin pa ste | 'di ltar thun mong gi tshul la'ang gzhi'i gnas lugs kyi cha ci rigs mngon du byas pa'i slob dpon gang dag ni so skyes sa las rnam par 'das shing phyogs bcu'i sangs rgyas gang dag gis thugs smon dgyes pa stsal ba'i gnas su 'dug cing de ma zad gnas lugs de nyid la blo kha phyogs pa yan chad so skyes rang ga bar gtogs pa tshun la rang gis dam chos zhus phan chad slob dpon de la dag snang mos gus kyi dad pa med mi rung zhing spyir na chos spyi'i rtsa ba dad pa la thug pas dad yul bzang ngan ji ltar yin kyang dad pa byed mkhan rang gis dag snang dad pa ches brtan po mi 'gyur bar byed nus phyin chad byin rlabs kyi sgo gang thad nas 'phel bskyed nges parche zhing | spyir dad pa i chos kun gyi sngon 'gro med mi rung ba yon tan thams cad 'phel byed skyon mang po las sgrol byed don chen po'i nor gter rkang lag lta bu yin tshul rgyal ba'i bka' dkon mchog ta la la'i gzungs las 'di ltar gsungs pa ste | dad pa sngon 'gro ma ltar bskyed pa ste | | yon tan thams cad bsrung zhing 'phel bar byed | |