[A:49] sde dpal ldan 'bras spungs btab | po ti brgya dang sum cu thugs bshad | nyen re bzhin gsang sngags kyi cho ga dang bsnyen pa grangs mang zhal 'don mdzad | 'jam dbyangs klu sgrub zhi 'tsho rje rin po che rnams kyi gzigs snang brgyud mar byung zhing rlung 'od zer lnga pa'i kha dog mthong ba sogs ngo mtshar ba'i lo rgyus mang la dgung lo don gcig pa sbrul lo'i bzhi pa'i tshes bco brgyad la zhi bar gshegs |
bcu gcig pa chos kyi nyin byed ni | sing ghala'i rgya mtsho'i pha rol yul gru bzang por yab prahma Crijati dang | yum padma zhes pa'i sras su bltams | paNTita ma'i nyi ma sogs la rab byung bsnyen par rdzogs | ma'i nyi mas yi dam ral gcig ma nyams bzhes su stsal bas ri bo bya rtser bsgrubs pas zhal bstan te phyis ri bo rtse lngar 'byon pa'i lung bstan | dbus gyur rdo rje gdan sogs gnas rnams mjal te mu stegs kyi rgol ba 'ga' tshar bcad | dgung lo nyer gsum yi dam gyi lung bstan ltar ri bo rtse lngar byon pas 'jam dpal gyis rgyud byin brlabs | de nas bod kyi tshong pa mang po'i zhabs 'brang ste byang stag lung du phebs | ngag dbang grags dang mjal lo gcig bzhugs te | stag lung pas zhabs tog bgyis te karma chos grags rgya mtsho'i spyan sngar phebs jo bo la bstod bshags bskor ba mang du mdzad | potalar bzhugs gnas mdzad de rgya gar lugs kyi dkyil 'khor thig rtsa spel | de nas gong dkar dang gtsang la brgyud nas gser mdog can du phebs der rig gnas re dang lha mo'i rjes gnang stsal khong gis paN chen ( shAkya mchog ldan ) la dbang zhig gsan nas yar lam mnga' ris su phebs zhabs tog rje grol mchog gi yab yum gyis bsgrubs | yum la gnas khang g.yar dgos gsungs nas gung thang brgyud bal por byon | paNTita dze sa gsen la 'khor lo sdom pa'i dbang mnos nas rnal 'byor pa'i chas su bsgyur te rgya gar la phebs rdo rje gdan gyi byang chub chen po la phyag mchod smon lam mdzad de slar rang yul du byon dgongs te byon lam gru zhig pas zhi bar gshegs so | |
27. bcu gnyis pa rje kun dga' grol mchog mnga' ris smad kyi glo po sman thang zhes par gnyag ston shAkyamune'i rigs brgyud du yam dpon drung tshe dbang bzang po lo nga brgyad dang | yum btsun mo snga phyi gnyis las phyi ma lo nyer gnyis bzhes pa gnyis kyi sras su me yos lor 'khrungs | rwa ston chos rjer ming zhus pas sgrol ma 'bum du gsol | btsun pa'i bag chags bzang por 'dug pas chos sgor chug ces lung bstan | dgung lo bzhi par drung ba chos rje la skyabs sdom dang dge bsnyen rim gyis zhus te mdo sde skyes rabs klog pas phal cher thugs su chud | dgung lo bdun par drung ba chos rje la gshed dmar lha lnga'i dbang zhus gsang mtshan zhe sdang rnam dag rdo rje gsol | de lor zhen pa gzhi bral gyi khrid gsan pas nyams rtogs khyad par can 'khrungs | rje drung btsun pa la bsdus rtsis dang bzhung chen rnams thugs la bzung nas rgyug phul | gzhan yang phar tshad 'dul mngon byams chos lhag ma