[A:50] bzhi | spyod 'jug | bshes springs sogs thugs su chud de drung ba chos rje la rgyug snon phul | byams gling ba dang | drung ba gnyis la rjes gnang mang po zhus te ljags bsnyen yang grub par mdzad | dgung lo bcu par drung ba la dge tshul gyi sdom pa gsan | kun dga' grol mchog tu mtshan gsol | dge bsnyen sdom brgyad ka ri ka sogs kyi rtsa 'grel bcas kyi lung gsan | mkhan su bhagata sogs la | mdo skor | rgya gzhung skor | bka' gdams pa'i gsung bgros mang po | zur bka'i rjes gnang mang po gsan | lam 'bras la sbyang ba mthar phyin mdzad | dgung lo bcu gsum par dbus gtsang du byon lam sa skyar phebs | kha'u'i brag rdzong du kun spang rin po che la dpal mgon thim pa'i brag sgo nyid du zhal bzhi pa'i rjes gnang gsan | rtags mtshan ngo mtshar ba byung | de nas gser mdog can du phebs amoghasiddhi'i zhal snga nas mtshan nyid phyogs la gsan sbyongs kyis mkhas pa'i phul phyin mdzad | gzhan yongs 'dzin du ma la sngags phyogs kyi dbang bka' sogs gsan sbyang mdzad de slar rang yul du log | paN chen byams gling pa dang drung ba chos rje mjal 'dzom gnang ste dgyes chen mdzad | de nas ngor chen yab sras dang drung ba chos rje rnams kyis mkhan slob sogs mdzad nas bsnyen rdzogs zhus drung pa chos rje'i gdan sar mnga' gsol chos rje rnam gsum ( byams gling ba | ngor chen pa | drung ba ) gyi phyag nas gnang | jo shAka rnam gnyis mjal | gser mdog can du phebs 'gyed sogs rgyas par gnang | mkha''gro naiguma'i zhal gzigs te chos drug gi bka' rnams zhus | brag stangs rdo rje rdzong du rnam sras rta bdag brgyad kyi zhal gzigs | mnal lam du mi rta dzo gis snying po don gsum gnang zhing naiguma sogs mkha' 'gro mang po'i tshogs 'khor du yang yang phebs | sha ba ris kyang byin rlabs dbang bskur ba sogs dag snang du lha dang bla ma las zab chos du ma gsan te lha dang mkha' 'gros sbyin pa'i ming 'jam mgon grub pa'i dpal bo zhes bya la | dngos kyi bla ma mkhas grub bzhi bcu tsam bsten nas mdo sngags mtha' yas gsan pa las rje spyang lung bas blo gsal rgya mtsho'i sde zhes ming stsal | rgya sgom legs rgyal la mgon po'i sprul pas chos bdag po'i lag tu sprod gsungs pa'i lung bstan ltar naigu'i lugs stsal bcu gnyis kyi chos skor ma tshang ba med par gsan | khyad par lo chen rin chen bzang po la nam mkha' dpal bzang nas brgyud pa'i dus kyi 'khor lo'i chos skor yongs rdzogs zhus | bkra shis lhun por phebs | paN chen blo bzang bstan pas bsnyen bkur mdzad | snga phyi gnyis kar ngam ring du phebs der bla ma 'ga' zhig las chos gsan | gzhan yang dbus gtsang mnga' ris sogs yul phyogs mang por phebs ser skya mchog dman mtha' dag la chos char 'dzad med phebs pas byang bdag ngag dbang rnam rgyal bkra shis stobs rgyas | rin spungs chos rgyal ngag gi dbang phyug | 'jig rten mgon po grags pa rdo rje | rgyal po lha sras nyin byed dbang po | rdo rje gdan gyi khu dbon rnams