[A:576] rten khams ni thams cad kyi | | gser dngul la sogs rgyu las ni | | sangs rgyas dpag tu med pa yi | | sku gzugs grangs med byas pa bas | | bla ma'i sku 'bag sus bris pa | | 'di ni bsod nams khyad par 'phags | | brgya stong khri 'bum char mi phod | | gang gis bla ma'i sku 'bag la | | mchod cing bstod pa sus byas pa | | rdo rje 'chang la bskal pa brgyar | | mchod cing bstod pa'i bsod nams che | | 'bum phrag sum cu rtsa lnga yang | | phod cing mnyam pa ma yin no | | gsungs |
'das mchod byas pa'i phan yon ni | bla ma'i yon tan yongs su bzung ba'i rgyud las | bla ma 'das nas gdung bas mchod byas na | | dge ba'i rnam smi bla ma'i rjes 'brang ste | | thugs kyi dgongs pa gong du yongs rdzogs shing | | slob mas bla ma'i rnam thar snyegs par 'gyur | | zhes dang | a ti bkod pa'i rgyud las | 'das pa'i lo zla tshes grangs la | | ma nor ba i brtsis byas nas | | mchod pa'i rnam pa sus byas pa | | tshogs gnyis rab tu rdzogs pa dang | | tshe 'dir longs spyod 'phel bar 'gyur | | zhes dang | sha ra ba'i zhal nas | 'dus byas kyi dge ba la | dge ba'i bshes gnyen la 'das mchod byas pa bsod nams che | zhes pa la sogs rgya cher gsungs pa ltar ro | |
de las 'phros te bla ma bsten tshul ji bzhin mi 'ong ba la nyes pa yod tshul cung tsam smos na | bla ma slob dpon gang yin kyang rang gis chos zhu ba'i yul du gyur phan chad bla ma de nyid kyi bka' las 'da' ba'i bya ba chen po slob ma des bya mi 'os pa ma zad bla ma gang de slob mas bsten tshul cung zad re log na'ang don mi 'grub pa'i tshul sngon slob dpon 'jam dpal bshes gnyen gyis dkyil 'khor mngon sum du bstan nas sangs rgyas ye shes zhabs la khyod thog mar lha'am nga la phyog byed | gsungs pas | da lam lha gal che snyam nas phyag mdzad pas lha med song | gzod yang Tom bhi he ru kas dang po phyugs rdzi byed pa'i dus su | NA ro pa chen po la dad nas yang yang mjal bas | NA ro pa'i zhal nas | khyod nga la dad dam gsungs | dad lags zhus pas | 'on na chang zhig khyer la shog gsungs | phyin pas de'i nub 'khor lo bde mchog gi dbang bskur bas | dbang thob pa dang grub pa thob pa mnyam du byung | de'i tshe bram ze zhig Tom bhi pa la dad nas chos zer ba la bla ma Tom bhi pa'i zhal nas | bram ze la nga rnal 'byor pa'i phyi'i kun spyod la ma dad na yon tan 'grib pa yin no gsungs | bram ze Tom bhi pa la brten nas rdzu 'phrul dang mngon shes thob cing | bla ma bsnyen bkur tshul bzhin du byed pa'i tshe | bla mas chang gsol ba'i zhal skyugs cung zad bram ze'i mgo la phog pa bram ze gzhan zhig gis mthong ba de na re | de 'dra khyod kyi bla ma yin nam zer ba la | | khong nga'i bla ma min byas pas | kho'i rgyud kyi mngon shes dang rdzu 'phrul thams cad dung gi rdul phyis pa bzhin du song zhing | yang bla ma rigs ngan