[A:581] 'tsham dang mthun par mtho bar dman pa gang yang rung ba'i 'jug sgo yang sngon gyi smon lam dang tshogs bsags tshul gyi khyad par las de lugs sna tshogs pa nam chad pa mi mnga' ba kun nas shin tu 'thad pa'i phyir | de nas tshar mthong gi snang ngo ltar la ston pa mchog gi mdzad tshul kyang 'dzam gling 'di lta bu la thog mar mchog sprul dngos kyi rnam pa dang de nas rim par dus kyi dbang gis byang chub sems dpa' dang bla ma dge ba'i bshes gnyen sna tshogs pa dang | de yang rim par mdzad sgo je dman du 'ong ba'i tshul la rang cag lta bu'i blo dman gang dag gis yid gnyis za mi rung ste | 'gro 'dren mchog gi mdzad pa mtha' dag gi gdul bya'i khams dbang 'ba' zhig la ltos nas de lugs bzhin du snang ba chos nyid yin pa gang zhig | gdul bya rnams khams dbang rigs kyi khyad par sna tshogs pa yin pas de mthun du 'phrin las 'jug dgos phyin chad rang rang dang 'tsham pa'i mdzad pa zhig ma byung stabs med kho nar gnas pa'i phyir | tshul 'di la bsam na rgyal ba sras bcas kyi 'gro 'dren gyi mdzad sgo de dag kun kyang dus dang gdul bya'i rim pa la ltos nas thog ma'i dus rnams su mi mzed 'jig rten 'di'i 'phags yul du ston pa nyid kyis mchog sprul gyi mdzad pa dang de nas rim par dus dang gdul bya'i khams dbang bzhin yongs kyi 'dren pa sngar las mdzad tshul skabs de'i snang ngo tsam na je dman gyi rnam pa byung ba'i sgo nas rang rang dang 'tsham pa'i chos bstan nas gdul bya de kun rim pas smin grol la bkod pa'i thabs mkhas mdzad bzang gnang ba 'di ka bzhin rgyal ba sras bcas dag gis mdzad pa'i rnam pa gang ston pa thams cad phyi ngor snang tshul tsam las don gyi gnas tshod la bzang ngan gyi dbye ba med par mdzad chen ston pa'i mnga' bdag mchog nyid dang mi gnyis yin nges su 'dug pas rnam pa ston tshul tsam la dpag nas mthar thug gi go 'phang brnyes pa gang dag slar je ngan du nyams nas 'gro ba lta bu'i yid gnyis kyi dogs pa rang cag lta bu'i blo dman gang dag la 'byung nye yang de lugs kyi log par rtog pa'i dbang du 'gro bar bya mi rung ngo | |
(5) so so skye bo'i gnas tshul |
lnga pa so so skye bo'i gnas tshul yang mi mjed 'jig rten 'di lta bu la sngon rgya gar 'phags pa'i yul du rang cag gi ston pa rnam 'dren bzhi pa gang nyid byon nas chos kyi 'khor lo bskor ba'i dus su lha mis gtso byas pa'i las dang skal bar ldan pa'i gdul bya mang pos bka' chos thos pas skad cig tsam dang | dar cig tsam bsgoms pas kyang dgra bcom pa'i go 'phang pa dang | rjes su nye gnas kun dga' bos kyang zhag bdun tsam las bsgom ma dgos par dgra bcom thob par gsungs lta bu de dus kyi theg dman rigs can gang dag dge sbyong gi 'bras bu bzhi po ci rigs pa tshegs shin tu chung