[A:582] bas thob sla ba dang | bya rgod spungs ri sogs su ston pas sher phyin gyi sde snod gsung skabs su'ang theg chen rigs can rnams kyang skad cig re ches grangs mang pos zab pa dang rgya che ba'i gnas la rang byan tshud cing gzungs dang ting nge 'dzin gyi sgo mtha' klas pa gsar du thob pa la sogs pa dang | 'bras spungs mchod rten sogs su ston pa mchog gis dpal ldan rgyu skar gyi dkyil 'khor bzhengs nas rgyud sde bzhi po ci rigs gsungs pa'i dus na sngags rig 'dzin pa'i sems dpa'i 'du tshogs grangs mang po skad cig re re la thun mong dang thun mong min pa'i dngos grub kyi sgo 'byams klas pa'i grub 'bras gsar pa du ma'i 'phel kha bcas gsang chen gyi mngon par rtogs pa ches smin zhing bthu nus che ba'i sngags lam mtshan nyid pa 'bras bu'i dus kyi khyad chos zla bral ba rgyud kyis dngos bstan ji bzhin pa dus su legs smin gyi skal ba yod pa sogs mdo sngags gang thad kyi rtogs pa mtshan nyid tshang ba'i yang rab skad cig la skye thabs kyi tshul la dka' tshegs mi dgos pa dang | de nas rim par dus kyi dbang las mdo dang sngags kyi nang rtogs pa'i bstan pa 'bras bu'i skabs kyang mar mar je dman dang 'bras bu gang dag kyang zad nas sgrub pa'i bstan pa nyid du rtogs pa 'phel tshabs chung bar gyur ba nas bzung rim bzhin je dman du song ste byang shambhala'i sngags zhing ma gtogs 'dzam gling spyi khyon yongs la thub pa'i bstan pa mdo sngags gang thad nas mar mar 'grib pa'i tshul gyis lam mngon rtogs kyi rim pa ji bzhin skye tshabs chung ba'i sgo nas rtogs pa sngar las dman bzhin rjes mthun cha 'dra deng dus kyi bar nges par byung 'ong ba yin la | tshul de ltar na ston pa mchog dang bstan 'dzin gyi sde rim par byung ba dgra bcom du ma dang semsdpa' chen po dang skyes chen slob dpon paN grub bcas kyis gdul zhing slob tshogs gang dag gi sems rgyud pa dus dang bsod nams kyi rim pa bzhin brjod bya rtogs pa'i bstan pa 'phel 'grib de lugs bzhin nges par byung ba yin te | thog mar bstan pa rdzogs ldan 'bras bu'i dus su lam gyi rtogs pa sgo gang thad nas skye ba myur ba gang dag gi | de nas gsum ldan gyi dus su sngar las cung zad zhan te rtogs pa'i chos skye rim rdzogs ldan la ltos na bzhi cha gcig phri ba dang de bzhin du gnyis ldan skabs bzhi cha gnyis dang rtsod ldan dus su bzhi cha gsum dman te bzhi cha gcig tsam las mi lhag pa'i sgo nas thob pa'i bstan pa sngar dar rim par yongs su sdud bzhin dus skabs de dag tu sems can gang gnas dag la phan thogs kyang spyin ldog nas de lugs ltar gyi rjes su 'gro ldog byed pa'i phyir | de nas sngon byon skyes chen gong ma dbang po yang rab gang dag gi thugs la 'khrungs pa'i mdo sngags gang gi skabs kyi lam mngon rtogs rnams dang phyis snyigs dus rtsod ldan 'dir rjes 'jug phal pa gang yin rnams la mdo sngags nyams len skabs rang rang gi thugs snang nyams tsam gyi rnam pa de dag ni phyogs re'i cha nas 'dra'am snyam pa byung yang gshis kyi sdod lugs la gnam sa tsam gyi