[A:583] khyad nges par yod de | bstan pa 'bras bu dang sgrub pa rab 'bring gi dus kyi skyes chen lam sgrub po gang dag gi thugs nyams lam mngon rtogs kyi rim pa phal che ba de rnams kyang rang dus dang mthun pa'i rtogs shed rgyas pa 'ba' zhig tu nges pa gang zhig | rtsod ldan snyigs ma'i dus 'dir spyi ldog lam nyams len pa gang dag gi myong snang du 'khrungs pa de rnams ni snga ma dag gi gnas skabs la ltos na dus kyi dbang gis dngos dang rjes mthun gyi khyad che bas mtho dman ha cang song ba'i phyir te | bstan pa rab 'bring gi dus kyi gang zag rnams kyi thugs nyams mchog gi rtogs pa mkha' lam gyi zla ba lta bu yin na bstan pa tha ma'i dus kyi rjes 'jug gang dag gi nyams myong gi rim pa dag ni chu nang gi zla brnyan tsam gyi cha las slebs mi nus pa lta bu yin pa'i phyir te | de dag gi lam mngon par rtogs pa rnams la dus dang bsod nams mchog dman gyi dbang gis bzang ngan gyi khyad par de lugs ltar byung ba yin pa'i phyir te | sngon skal ba rdzogs ldan dus kyi chu bo gangga'i ro bcud de deng dus su ka ra bu ram 'o mar bsres pa'i ro bcud kyis 'gran kyang cha tsam bskrun du med pa lta bu phyi'i snod kyi legs 'byor la khyad de lugs yod pa bzhin nang bcud gang zag gi dbang po dang blo'i rim pa la'ang mchog dman gyi khyad de ltar rjes su 'gro ldog nges par 'thad pa'i phyir ro | |
'on kyang dus snga ma dang phyi ma'i mchog dman spyi ldog spyi mthun las kyi steng nas de 'dra yin mod | khyad par nang gses la rang rang gis bsags tshul bzang ngan gyi byed pas ni dus snga ma'i skabs su spyir phyi nang snod bcud bzang ba la 'ga' zhig gi tshul la cung mi legs pa dang dus phyi ma'i skabs su spyir phyi nang snod bcud bzang ba la 'ga' zhig gi tshul la cung mi legs pa dang dus phyi ma'i tshe na'ang khyon ngan kyang 'ga' la legs sgo cung zad re yang yod pa sogs spyi dang sgos kyi las tshul ni sna tshogs mang po yod la | spyir bla slob mtshan nyid dang ldan pa lta bu phan tshun la cha rgyus 'dris zhib yod pa dag la ni bla mas slob bu'i sems rgyud ji bzhin shes pa'i sgo nas slob rgyud legs bcos dang de lugs ltar gyi tshod 'dzin pa ni shin tu rung mod | de min rang cag lta bu'i rmongs pa blo dman rnams la dgongs nas ston pas kyang nga dang nga 'dra ma gtogs gang zag gi tshod gzung bar mi bya zhes bka' nye bar stsal ba ltar phan tshun 'gro ba nang gi rgyud tshod ji bzhin shes pa ni ches shin tu dka' zhing 'di la brten nas nyes dmigs kyi sgo yang rang cag lta bu la 'byung nges par nye ba ste | gnas tshul de lugs ltar gyi yul mchog dman bar ma ci rigs par sdod pa gang dag la ji bzhin gting ma dpog bzhin nga rgyal rang mthong 'ba' zhig gis 'ol tshod kyis spyad pa la brten nas gzhan pha rol po dag bzang ngan gyi khyad par 'byed snga byed pa la ha cang dgyes na rang nyid nyams par 'gyur ba'i gnas yod pas de lugs mchog dman yongs kyis thugs 'jags nan mo dgos gal che bar sems so | |
rang re'i dam pa gong ma sogs spyir gyi 'gro don du phan dgongs gang bzhes dag gi deng dus su