[A:584] sprul pa'i sku snga phyi rim byon dag las 'gro ba'i mgon po phal che ba ni gong smos bzhin dus dang mthun pa'i bstan 'gro'i don la legs byon gyi sprul pa'i sku skyes bstan pa'i rtsa lag nyid du nges pa dang la la rnams ni gong ma gang dag gis byin gyis brlabs pas de la sprul pa tha snyad thogs pa ci rigs re dang bcas 'gro 'dul dus su babs pa gang mang zhig ste | de rnams las rang cag gi chos brgyud kyi dam pa gong ma rim byon dag ni ston pa thub dbang mchog lha dang mi'i bla ma nyag gcig gang nyid las brtsams zab mo'i chos sgrub brgyud kyi byin rlabs dus dang mthun pa re da lta rang cag gi rtsa ba'i bla ma rnams la thug gi bar du nges par byung bas de lugs la yid lhag par ches dgos shing | sngon bsags dman pa dang smon lam log pa dang dus ngan pa'i dbang las la la dag ni dam pa'i rnam par 'phrul ba dang byin gyis brlabs pa gang yang ma yin par chos min chos su brdzus te gzhan mgo bskor ba'i g.yo thabs la gnas pa ci rigs pa'ang dus dus su sngar byung ba dang da lta 'byung bzhin pa dang phyis su 'byung bar 'gyur ba gang dag kyang su yis bzlog par nus te de 'dra'ang bar bar du byung la | de dag gi khyad par gyi gnas tshul yang 'phags pa'i mkhyen spyan mchog gi ji bzhin gzigs shing rnam par dpyod pa'i blo gros yangs pa dag gis kyang phyogs mtshan tsam gyi cha legs par gsal nus pa'ang yod | tshul de dag ni kun rdzob rnam shes kyi 'khrul snang la bzang ngan bar ma sna tshogs pa so sor ris su gcod pa'i yul snang mtshan ma'i cha tha dad pa 'dra min gyi sgo mtha' yas pa'i rol pa kun rdzob sgyu ma 'ba' zhig tu zad kyi don la gnas lugs ji bzhin pa ltar na i sems can nas sangs rgyas kyi bar thun mong spyi nor rang bzhin don dam pa'i khams chos nyid 'od gsal bde gshegs snying po brtan g.yo kun gyi bdag nyid gzhi 'bras dbyer med dang po'i sangs rgyas ngo mtshar gsang ba gsum gyi che ba'i yon tan ma lus pa gdod nas rang chas lhun gyis grub pa'i gshis lugs gcig pu la ni gang thad nas bzang ngan so sor 'byed du med par gnyug ma ye shes mchog gi de nyid dag mnyam chos kyi sku ye gzhi dgongs klong nyag gcig tu kun nas nges par bden zhing don dam pa'i rnam pa mchog kun nas ldan pa'i gsang chen gnas lugs mthar thug gi tshul ji bzhin pa gsal ba rang nyid kho nas spyod yul ma gtogs de las gzhan gang dag la thog ma nas 'grogs kyang lkog tu gyur pa'i zab gsang gi dgongs chen de nyid nges don 'khor lo tha ma'i rjes 'brang gi dbu ma'i rang lugs kyi rdzogs ldan chos mchog bzang po khyad du 'phags pa'i nges pa don gyi shing rta'i srol bla na med pa gang de ni kun gzigs rgyal ba bcom ldan 'das lha mi'i mchog gyur rnam par 'dren pa nyid kyi dgongs pa mthar thug pa nam yang mi bslu ba'i gnas yang dag tu zab mo'i de nyid mngon du gyur pa'i kun mkhyen ye shes mkhyen pa bzang po'i tshad ma'i yul du nges par grub pa de ka nyid e ma ches shin tu ngo mtshar ba'i dge ba'i legs tshogs mtha' dag gi