[A:589] bar mun sdug rgol ngan kun | | rten 'byung rigs pa'i bcu gnyis bdag pos bsal | | rdzogs ldan lam mchog lugs srol gsar btod mkhan | | mkhas mchog dol po sangs rgyas dge legs stsol | | rab 'byams shes bya mtha' dag thugs su nges | | nges don snying po'i lugs bzang slar gsal mdzad | | mdzad spyod bzang pos gangs ljongs rdzogs ldan zhing | | zhing khams ltar mdzad tAranAthar gus | | mi bzod srid pa'i btson khang ra ba ru | | nyam thag 'gro ba mgon med gtan 'khyams rnams | | thugs rjes shugs kyi bde chen khang bzang la | | 'dren mdzad bshes gnyen rnams la gus phyag 'tshal | | gsang gsum yon tan ga bur gter mdzod kyis | | skal ldan ku mud tshal yang rab tu bzhad | | ma dad the tshom sel byed bdud rtsi 'dzag | \ thar 'dod don gnyer ldan rnams 'di myang rigs | | sngon med legs bshad na chung 'gram chang gis | | skal ldan ba gu la yi tshal 'byed de | | dad gsum mngar ldan snying po'i ro mchog gis | | rgyal bstan ra yig gnyis ring skyong mdzad | | dpag yas 'gro la yang dag lam ston zhing | | dpag med yon tan rnams kyis legs par brgyan | | dpag tu med pa'i gsang gsum yon tan tshogs | | dpag dka' snyan pa'i ngag las drangs te brjod | | gang sku zho 'thung dbang po'i phung po ni | | mthun ngor dus kyi 'jigs pa dang bral ngang | | zhabs brtan gnyis 'thung khri la legs 'khod nas | | theg gsum chos 'khor bskor rnams rang cag spro | | gang dag 'jam dpal dbyangs dang tha dad bral | | lta ngan bag chags dang bcas gtan nas spangs | | spang blang gnas la rgyal ba rnams dang mnyam | | rab 'byams gnas rnams la mkhas bla mar dad | | ngag gi dbang phyug yi dam lha ru nges | | nges don blo gros rtsal gyi chos dung dgra | | sgra 'dzin lam du grags pa'i rgyud brlaN? zhing | | zhing 'dir rdzogs ldan slar yang gsar bar byas | | don dang ma 'brel brjod bya spangs pa'i ngag | | ngag gi 'dab ma rgyas pas yongs smra dbang | | dbang rtul gzung 'dzin las grol mi rtog blo | blo dman yongs la skye ba'i gtam gleng gros | | gros 'debs yang yang brtse gzigs mtshan snyan grags | | grags snyan mi sgrub zab mo'i don spyod pa | | pa Tu ba yis sngon rabs chos 'byung brtsams | | chu yi thub pa'i rdul brtsegs 'dab brgyad ri bo'i rna bar rton bzhi ldan pa'i lung gis rab bsngags gnas | | tshogs gnyis nyin byed rab tu snang ba'i rtse dga' dang 'dres dbang sngon mkha' phyogs 'dab stong du ma yis | | zla ba'i 'phel mthar bskor ba'i dri bzang ngad 'thul mkhas mang dar dir sgrog pa lung rigs 'dab gshog ldan | | grub pa'i rgyun 'dzin dpal sdug ldan pa'i sngon med spar gyi legs byas nyes 'joms sman rtsi 'dzad med lud | | 'bad med dbang du 'dus pa'i dngos rdzas mtha' dag 'jig rten byed po dang mtshungs mkha' yi rgyal mtshan 'khyil | | g.yo byed 'phrul gyis phyogs bcur bskyod bzhin gser 'od zhags pa'i rtse dga' dang