[A:590] 'grogs nam mkha'i rnga gsang ldir | | bsags stobs las byung 'das ldan du mas rnam mang dngos rdzas sprin gyi me tog sman ljongs gnas su 'thor | | stong gsum rin gyis gzhal med phan bde'i 'byung gzhi par bskrun rkang 'thung dbang po dri ngad ldan pas khyab | | sku brnyan lbu phreng 'dzum dkar stong ldan g.yo ldem 'jam mnyen ljang gsal pad mo'i khebs pa'i chu gter bzhin | | gsang gsum snang brnyan shar ba'i bsil dwangs dbul sel yig tshogs rin chen brgyas gtams byin rlabs na bun 'thul | | rten gsum gsar ba'i char gyis khur lci mgyugs 'gro la brten nam mkha'i glang po mkha' lam rnams su nyul | | 'gro drug 'dzin mar zab rgyas char gyi 'du byed dang mthun phan bde'i padma dkar pos srid 'dir khyab | | 'dir bsags utpala dkar po'i lhun por dus gsum dge tshogs zla zer stong gi mdangs kyis gos ltar dkar | | bsod nams bskyed pas skye rgu kun kyang ke la sha yi sa 'dzin 'bum phrag du ma'i bskor ba'i dbus | | chu skyes 'dab brgyad gsang sngags ge sar 'dzum bag rab ston e waM bcud rtsi khyad 'phags 'dzad med 'jo | | skal bzang sbrang rtsi skyong ba'i khyu tshogs gral phebs skyes thob gshog zung rlung gis bar snang lam du 'phyo | | bar chad sprin gyi me tshogs zhi zhing mthun rkyen chu 'dzin rab 'thul rigs ldan bla ma'i sgra brgya ldir | | tshul khrims nor 'dzin gdams pa'i char gyis brlan zhing dad pa'i myu gu'i tshal du nges 'byung padmo 'khrungs | | byang chub sems kyi ge sar rgod cing mtha' bral lta ba'i zil mngar rab rgyas phyin drug yal 'dab g.yo | | rmad byung bye ba'i gser ldan dang 'grogs shes dang shes bya'i bdag po'i chu srin grong khyer 'jug gyur cig | | sbyang gzhi chos nyid 'gro kun 'dzin mar sbyong byed zab lam sprin dkar dkrug pas phun tshogs sbrang char 'bebs | | sbyang bya glo bur rdul tshogs 'dus pa rab tu bkrus te sbyangs 'bras chos sku lha yi ljon bzang rgyas | | rtag chad mtha' bral lha lam yangs par bden gnyis mkhyen pa'i rlung gis sgro skur smug chen rab gtor te | | tshogs gnyis lam bzang brnyes pa'i sngo bsangs ma ru srid zhi'i mtha' bral don gnyis nyi zla rtag 'char shog | | 'dir phyogs nor 'dzin dpal mo'i lto bar lugs gnyis rnam das bdud rtsi'i rol mo brgya phrag du ma 'khrol | | rgyal bstan nyal 'gro'i phung po phyogs bcur rgyas te blo gsal gser gos can rnams khyab pa'i rgyu ru smon | | bla ma rgyal sras gangs ri'i phreng bstar dus gsum dge tshogs rta ljang 'od kyis byin rlabs chu klung dang | | de ltar bdag gzhan bsags pa'i rnam dkar 'bab ldan dang 'grogs mthar thug sku bzhi'i rgya mtshor 'jug gyur cig | |
ces skyes thob yon tan gyi sgang nges par mtho zhing bslab pa gsum dang thos bsam sgom gsum gyi yon tan spangs rtogs dang mkhas btsun bzang gsum 'chad rtsod rtsom gsum gyi rnam thar rgya che bas brgyan pa'i dge ba'i bshes gnyen chen po mtshan brjod dka'i gnas su bzhugs pa don rgya chen po'i