[A:56] ngo mtshar bas bsngags pa sogs bstan 'gro la phan pa rgya cher byas so | | slob dpon rin po che byams pa'i zhal bkod dang bstun pa sku 'bum zhig gsos grub skabs nyams snang la | lung pa gru gsum dmar po zhig gi dbus na shel gyi ri blos mi 'khyud pa de nyid mchod rten bzang po dbyinbs che chung ma nges pas go mtshams med par gtams | mchod rten re re la sangs rgyas byang sems dpag tu med pas zhu ba zhu len sogs chos sgra di ri ri 'dug | nam mkha' nas me tog gi char dang phyogs bcu nas sems can grangs med pas mchod pa byed kyin thams cad kyang mgrin gcig tu | e yig la ni waM gnas te | | rgyal ba kun gyi pho brang la | | sangs rgyas grangs med bdun cu gnyis | | 'khor ni bye ba bye bas bskor | | bde chen 'od dpag med pa'i zhing | | zhes sogs gsungs shing | ri 'di ci yin dris pas mchod rten dpal yon tan yin zer ba'i snang ba shar bas rang re jo nang pa rnams rnam dkar gyi legs tshogs 'phel ba la sku 'bum chen po zhabs tog byed pa la rag las so gsungs | lo bstar gyi dus khrid mthar khrid gtor bcas ma 'chag par gnang | dgung lo nyer dgu pa'i dpyid la jo nang du yod skabs tho rengs shig sprin gseb nas rje btsun byams pa byon nas mthar rang la thim snyam pa na nged rang gis lha klu 'dre srin mang po la chos 'chad kyin 'dug nyams de yal ba na gzhan stong dbu ma'i grub mtha' la nges shes gting nas rnyed | kun mkhyen chen po'i zhal gzigs shing snga phyi'i lung bstan mang du mdzad pa dang | rmi lam gyi ngang nas shamdhalar yang phyin pas yul gyi bkod pa gsal bar mthong ba dang | pho brang ka la par phyin pas sa bcu'i byang chub sems dpa'i sku rigs ldan dang mjal te gsung gi snang ba byung | de nas bzang ldan chos sder lam 'bras sogs zab bka' rgya che ba dang | jo nang gi dus khrid sngar las lhag pa mdzad cing | 'khor lo sdom pa'i gsang gsum gyi rol pa mjal ba'i nyams bzang dang bcas bsam rtse'i rgyal bu'i sku gegs bsal te 'gro phan spel zhing | nyid kyi bla ma brag stod pa'i gdung chog sogs rnam dkar gyi mdzad chen gnang | de nas dgung lo so drug skor dus khrid kyang btsugs skabs 'dzam thang pa'i grwa pa sog po'i bla ma ( dbu bla ) sangs rgyas dpal zer ba dpon slob rnams phebs nas jo nang sgrub sde la mang ja 'gyes sogs bsgrubs pa la dbang bka' dang | phug gsum pa rnams la grwa khral byas | kun mkhyen chen po la zla mchod dang | gong ma yab sras gsum ( kun spangs pa | byams sems pa | mkas btsun pa ) la lo mchod btsugs | phag lo'i dus khrid skabs btsun gsar byed pa mang du byung | khams pa mi zhag pa chos zhu ba gsar slebs dang | 'dzam thang gi grwa rigs 'ga' la sbyor drug cig btsugs | bkra shis 'dzoms kyi grwa gsar rnams la skra bcad byas | dgung grangs so dgu tsam dus na mdo khams byang ngos phyogs kyi dgon pa nyug rje nas ka bzhi rgyal mtshan seng ge'i sku skye | ka bzhi pa'i dbon po gnyis dang | khams dgon pa ba dbon po lhun