[A:55] mkhan lung rig rgya mtshos dus kyi 'khor lo' dbang dang rgyud bshad man ngag sbyor ba yan lag drug pa'i byin rlabs don brgyud bcas bstsal zhing nyams su blangs pas nyams rtogs mthar phyin jo lugs khrid grol nas bu lugs la mgyogs khrid dang | jo zhal bla ma dam pa'i yig cha rnams dang | rgya gzhung yig rnying phal cher | kun mkhyen chen po'i gsung 'bum | bka' dang bstan bcos mang po'i lung gsan | mkhas grub sangs rgyas ye shes | rdo rje 'dzin pa ye shes dbang po sogs las | sa skya jo nang shangs pa zhwa lu 'brug pa kaM tshang | stag lung sogs kyi chos skor mang po dang | rgyud sde bzhi'i dbang khrid man ngag ma lus pa gsan | rgya gar grub chen guru lho phyogs pa sangs rgyas sbas pa'i mgon po la gsang sngags rgyud sde'i dbang bsked rdzogs mtha' yas pa gsan pa ste | bla med sngags kyi gzhung lugs la bod 'dir sngon med kyi blo bskyed grangs su btab pa'ang lnga brgya tsam byung bar nyid kyis gsungs pa sogs kyis mtshon che ba'i rnam thar mang la | gzhan yang snga phyi kun tu rgya gar gyi rnal 'byor pa 'ga' la zab chos dang phyi nang gi rig gnas sgra sogs zhus pas dgongs don kun mgon par byang chub pa'o | | de nas snga gong dgung lo nyi shu nye ba'i skor la | 'dul 'dzin kun dga' rgyal mtshan gyis mkhan po | byams pa lhun grub pas slob dpon | rje drung kun dga' sogs las kha skong dang bcas pa las bsnyen par rdzogs pa dge slong gi sdom pa bzhes shing phyi ltar nyan thos kyi spyod pa nang ltar rgyal sras byang sems gsang sngags 'dzin pa chen por gyur to | | bla ma de rnams la chos zhu ba'i dus snga phyi ci rigs yod |
gnyis pa bar gyi mdzad tshul ni | de nas dgung lo nyer gcig skabs shig nas bla ma dam pa kun dga' mtshan can dang | slob dpon rin po che'i bka' bkod la gdan sa 'dzin pa jo nang du phebs dgos gsungs pa ltar ri khrod jo nang du ( spyi lo 1595 | rab lo 10.09 ) shing mo phag hor zla brgyad pa'i tshes brgyad nyin gza' skar bzang ba la gdan sar 'khod cing bsko ja sgrogs | byang nas rtsis sprod gnang ba sogs mthun rkyen legs par byung | de nas skyid phug tu mtshams la bzhugs | lo dus 'chag med jo nang dus khrid chen mo btsugs pas khrid ma thebs pa gcig kyang med hor zla dang po'i tshes dgu la khrid gtor byas thog mar dge ba'i khrid ngo sprod bcas rgyas par gnang | rgya gar slob dpon su nirbA na shrI dang purNa badzra sogs las zab bka' mang po'i gdams pa nod de thugs bcud rgyas | slar jo nang sgrub mchod skabs dus 'khor rdul tshon bzhengs steng nas sgrub sde gang yod yongs sgril bdun brgya tsam la dbang bcu gcig rdzogs par bskur | dgung grangs nyer drug skor | rwa bsgreng sogs su phebs skabs 'tshogs su chos 'brel dang khyad par brag seng ge'i zhul rje tsong kha pa'i bzhugs khri'i steng nas lam rim gsungs shing | rgya dpe me thub ma rnams mjal tshe dgra nag gi rgyud skad gnyis kyis smra ba'i spobs pa che zhing shugs myur bas rwa bsgreng ba rnams