[A:59] shugs khrod | 'jag | bsam sdings | thar pa gling | rtag brtan chos 'phel sogs sde'i zhal bdag dang| dbus gtsang gi grub mtha' ris med kyi chos sde phal cher 'dzin skyong legs par mdzad | gtang? sde srid kun dga' rab brtan dbang gi rgyal po'i bka' bkod gnang ba | phyag mdzod khong gi sku dbon rwa ba kun dga' bstan pa bsko bzhag mdzad do | |
gsum pa tha ma'i mdzad tshul ni | rje btsun rin po che gang nyid kyis | rje btsun 'phrin las dbang mo dang bu slob rnams la ma 'ongs lung bstan dang bstan pa'i 'phel 'grib rgyal khams 'gyur ldog sogs gsungs shing | rtag brtan dam chos gling nges don dga' ba'i tshul gyi gdan sa 'jam dbyangs sprul sku sangs rgyas rgya mtsho la gtad nas chos lung rtse'i sgrub sder bka' chos dang jo nang du bka' chos da res ma gtogs mi 'chad gsungs pa sogs jo nang dus khrid phyag len ltar gnang ste | da blo bde sprul sku sangs rgyas rgya mtsho rin po che rtag brtan gdan sa la bkod zin kyang rang re 'das nas zar zir zhig yong 'dug | spyir thugs rab rgya che ba dang spyi mang mthun rung rtse nas dgongs pa med 'dug rang dang gtsang sde srid gnyis blo rtse gcig pa 'di kha yin pas khur yang du song bas da lo ma gtogs dus khrid kyang ma byas pas yong 'dug | da ni rtsom pa 'di 'dra yang bskul ba po'i ngo ma chog pa tsam las gang yang mi byed par sdod pa 'di dga' 'am bsam | zhes pa lta bu'i gsung zur byung | 'phrin las dbang mo nas | spyir bstan pa dang sgos su nges don gyi bstan pa la dgongs te sku tshe brtan pa dang slar yang sku skyes yang 'di rang gi bstan pa la phan pa cig rang thugs rjes 'dzin dgos zhus kyang | bka' las | thams cad blo rtse gcig pas gsol ba 'debs nus shing rten brel bsgyur phyogs shes na da dung 'di'i bstan pa la phan pa'ang srid gsungs | de ltar bstan 'gro'i don rgya cher grub nas dgung grangs re gcig bzhes pa ( spyi lo 1635 | rab lo 11.09 ) shing mo phag lo'i nag pa zla ba'i nyer brgyad la gzhan don du dgongs nas sman pa'i rgyal po'i zhing du gshegs | chos sde dang sgrub sde'i bu slob rnams dang | sde bdag dad ldan so so nas mchod pa dang bsags sbyangs la dmigs pa'i tshogs rgya cher po bsags | 'phrin las kyi rgyun skyong bu slob bsam mi khyab pa las rang lugs 'dzin pa sprul sku sangs rgyas rgya mtsho | mkhas dbang ye shes rgya mtsho | mkhyen chen rin chen rgya mtsho | mkhas grub blo gros rnam rgyal rnams dang | gzhan yang sgam po sprul sku | chos rje ngag dbang pa | bla ma chu bo chung ba'i sku skyes | rje nyid kyi mkhan kun dga' bkra shis rgyal mtshan | sprul sku ngag gi dbang po | dre bo sprul sku | zhabs drung bla ma'i drung | chos rje rin stengs pa | dus 'khor shar chen pa | chos rje lha 'o pa sogs dang | dge slong snying po mtha' yas | byams pa yon tan mgon po | ngag dbang kun dga' bsod nams | kun dga' 'phrin las dbang mo | gtsang gi rgyal sras kun dga' bstan pa'i rgyal mtshan sogs mtha'