[A:60] yas pa'i nang gi 'dir smos las gong 'og rnams rang lugs gtso bor 'dzin pa'o | | bstan pa'i sbyin bdag yang gtsang sde srid phun tshogs rnam rgyal yab sras | byang bdag bkra shis stobs rgyas | yar 'brog bstan 'dzin mi 'gyur dbang gi rgyal po sogs mnga' thang las shugs bsam gyis mi khyab pa mang pos gus 'dud byed pa'o | | de dag gis rje btsun sku skyes bcu bzhi'i rnam thar mdo tsam song zin to | |
spyir jo nang kun mkhyen chen pos gzugs sku chos dbyings su bsdu tshul mdzad skabs kun spangs chos grags dpal sogs thugs kyi bu chen rnams la ma 'ongs lung bstan gyi tshul 'di skad| |'phags mchog kun bzang sprul pa mkhyen brtse can | | mkhas btsun sangs rgyas zhes bya'i rgyal tshab 'byung | | zhes sogs rgya cher legs par gsungs pa ltar dpal ldan jo mo nags rgyal 'dir phyogs rgyal ba'i rjes nas gdan rabs kyi tshul | mkhas btsun sangs rgyas mtshan can gyis rgyal tshab 'dzin pa dang | de dus byang bdag rnam rgyal grags bzang gis bstan pa skyong tshul dang | de nas mkhyen rab byang chub seng ges rgyal tshab 'dzin pa dang | chos rgyal rab brtan 'phags kyis dpal 'khor chos sde 'debs pa sogs jo nang gi gdan rabs rim byon gyi tshul lung du bstan pa rnams dus las mi yol bar ma zad 'dir ma smos pa | jo bzang ba | chos dpal mgon po | bsod nams bzang po | shes rab bzang po | chos dpal bzang po | dkon mchog rgyal mtshan | bsod nams rgyal mtshan | 'di skor yan rigs ldan gyis sprul par grags shing jo nang pa'i bka' srol 'dres med dang de man skor yang mkhas btsun bzang po sha stag yin la | de nas yang dpal ldan rin chen | chos skyong rgyal mtshan | kun dga' legs pa | nam mkha' bzang po | rin chen bkra shis | rje drung kun dga' dpal bzang yan gyis gdan sa ji ltar bzung tshul dang | byin rlabs don brgyud la'ang dbang lung man ngag phyogs gcig nas brgyud tshul phran bu re sogs 'dra min mang po yod pa las 'di dag gi skabs su babs pa'i bshad bya ni yongs grags byin rlabs don brgyud ltar te |
29. de yang rgyal tshab 'dzin pa kun dga' rin chen rgya mtsho gtsang gi sde pa snar thang pa'i sras su 'khrungs | rje btsun kun dga' snying po'i zhabs la gtugs shing rab byung dang bsnyen rdzogs yang mdzad | khyad par zab lam rdo rje'i rnal 'byor gyi dbang lung man ngag gsan te bsgoms pas nyams rtogs mthar phyin | sngon sbyangs sad pas blo gros nang nas rgyas te gsung rab nyin re la shog bu bco brgyad tsam thugs la zin | gzhan yang mdo sngags kyi chos bka' mang po zhus nas de dag gi dgongs don thugs su chud | rtag brtan dam chos gling gi slob dpon zhing gshegs pa'i rkyen gyis der phebs te rgyal tshab mdzad nas lo bcu lnga tsam la bshad sgrub kyi grwa ma nyams par skyong bar mdzad | sku tshe'i smad