[A:68] rnal 'byor ma'i dbang bskur zhu skabs rdor dril spyi bor bzhag ste bya ba gang la brtson 'grus bskyed pa gal che gsang ming sogs ma brjed gsung | zla ba de'i nyer brgyad la rje btsun nyid sku gshegs te phyag mchod sgrib sbyangs la 'bad | de nas mkhan rin chen rgya mtsho las bsnyen rdzogs dang dbang bka' mang po zhus te | bsnyen sgrub sogs mdzad pa'i re zhig na sgrol dkar yid bzhin 'khor lo'i bsnyen sgrub dus su zhal gzigs te khyod kyi dgon pa 'di yin gsung | ri 'dzam lha'i sku 'dra ba zhig gi mdun na dgon pa khra shig ge zhig 'dug pa phyis 'dzam thang du 'dug | de nas sgrub la brtson pas nyams rtogs kyi klong rdol | rgyal ba dbang po'i ( gong sa lnga pa blo bzang rgya mtsho ) drung du dus 'khor dang gzhan stong dris lan zhib rgyas phul bas thugs dgyes pas gnang sbyin mdzad | dol po'i sku'i rnam pa'i zhal gzigs kyis khyod kyi las 'phro shar phyogs na yod gsungs | tshul de mkhan la zhu phul bas thugs dgyes te rdo rje'i rnal 'byor la 'bad gsum thon ces bstsal | de nas dpal mgon gyis bka' lung gnang ba ltar mi ring bar snying po khyab bdag sogs khams pa mang po'i zhu nan sogs kyis bskul te skyid phug nas me bya'i lo'i hor zla lnga par lam du zhugs khar rje btsun 'phrin las dbang mo la mjal te bar chad bsal ba dang rjes 'dzin gyi smon lam btab pas rje btsun mas re zhig tu bka' gnang stsal te lo gsum nas 'byor nges kyis zhes gsung | sku 'bum dang dgon gnas gzhan gyi rten la phyag mchod mdzad pas ltas kyang legs | de nas chas te bar lam sog yong shu'i bu sogs la chos 'brel re dang bcas hor zla brgyad pa'i nang la 'dzam thang du 'byor bas rgyal ba seng ge ( lho kha ba ) sogs nas gzhi len rgyas par mdzad | ( spyi lo 1658 | rab lo 11.32 ) sa khyi'i lo nas bzung gdul bya ris med rnams la dus kyi 'khor lo'i dbang khrid sogs rgyas par stsal | rab byung bsnyen rdzogs sgrub pa lnga bcu tsam dang | gur mgon gto sgrub byas pas mgon po'i zhal gzigs zor 'phangs dus thog babs sogs nyes can la rtags thon | lo bstar du khrid sgrub mchod rten bzhengs pa sogs mang po mdzad | lug lor drakSad gtor bzlog byas pas zor rtse la me 'bar ba sogs tshams rngam che | rdo 'dzi smra gsum gyi dad ldan rnams la rdor phreng sogs dbang bka' rgya cher gnang | de skabs shig nas tsha ko'i rgyal po sangs rgyas 'bum gyis gdan drangs dbang bka' rjes gnang mang po gsungs | phyag drug pa'i rjes gnang skabs mgon po'i zhal gsal bar gzigs | mchod yon 'bral mi phod bzhin 'dzam thang du phebs | bu slob nang so snying po snang mdzad sogs kyis tsha yul du mdzad 'phrin bskyangs | de ltar lo ngo bcu gnyis tsam khams phyogs su bzhugs nas bstan 'gro'i don mdzad | de nas se dbon 'phrin snying sogs kyis bshol kyang yar phebs pa'i thugs thag bcad de sa sprel hor zla ba bzhi pa'i yar tshes la 'dzam thang nas gzhi btegs | sog yul du brgyud der sna len gzab rgyas dang kSeTapAla'i sku'i rnam pa gzigs pas bar chad med par