[A:69] gsungs | thang lha la mchod pas dgyes par byas te zla ba bcu gcig pa'i nang lhasar 'byor phyag mchod smon lam mdzad nas rtag brtan du bla ma 'dus sde la mang ja sogs byas | de nas sku mtshams la bzhugs bzhin bar skabs 'brog dge kun dga' dpal bzang sogs don gnyer can 'ga' la 'dod chos re yang bstsal | sku gdung rnam gnyis ( grol mchog dang | rje btsun ) sogs rten la mchod pa dang dgon phu mda' la mang ja sogs tshogs bsags re dang | sku gdung chen mo ( rje btsun ) la zhugs 'bul sogs kyang mdzad lo kha shas la sgrub pa gtso bor byas te bstan 'gro'i don mdzad nas bzhugs mthar dgung grangs re drug ( spyi lo 1973| rab lo 11.57 ) chu phag lor sku gshegs | 'di yang kun mkhyen chen pos | rang gi ma'i rnam 'phrul du lung bstan no | |
31. yang kun mkhyen chen pos | glo bur du byung ba'i sprul pa'i sku gcig gis nga dang 'dra bar nges don gyi bstan pa la bya ba mdzad ces gsungs pa cha lung ba ngag dbang 'phrin las yin par grags pas de yang yul chos zar du ( spyi lo 1657| rab lo 11.28 ) shing pho rta la 'khrungs | chung ngu nas dam pa'i spyod pa la gnas pa | dgung lo bcu drug par a khu blo gros rnam rgyal gyis rgyal tshab phyir rab byung mdzad | thog ma nas cha lung rdo rje brag btsan khong gis btul nas skyel bsu sogs byed la | lo nyi shu'i bar 'dul mdzod dbu phar sogs gzhung lugs la sbyangs pas dka' ba med par mkhyen nas rgyal ba'i ( gong sa lnga ba ) drung du rgyug phul | blo gros rnam rgyal las dus 'khor bskyed rdzogs sogs zab bka' mang po gsan | sbyor drug bsgom pas bshad tshod dang mthun pa'i nyams rtogs shar | khams 'dzam thang la bla ma gong ma'i rgyal tshab tu bkod pa gnang yang yab yum gyis bshol btab pas phebs pa ma 'dzom | dgung lo nyer bzhi'i bar khu bo'i zhabs phyi bcas rtag brtan du bzhugs | de nas khu bo gshegs dgon ming bsgyur ba sogs kyis bzhugs gnas nges med mdzad | gsang 'dus rgyud shog ring mda' tshad ma bco brgyad nub gcig thugs la bzung | rmi lam 'od gsal ngang nas ri bo rtse lngar phebs te 'jam dpal lha lnga'i dkyil 'khor mngon sum gzigs | gzims chung a mi ta ru lo drug la rdo rje rnal 'byor bsgom phyag drug pas longs spyod kyi 'phrin las bsgrubs | tshar dgon phun tshogs lhun grub 'dzin bdag lo bzhir mdzad | 'brog dge dbon po sogs la zab khrid dbang sogs gnang | sngon 'gro chos bdun gyi ngag 'don mdad | rig 'dzin chos dbyings rdo rje la byang gter chos skor mang po gsan khong la zab lam jo nang lugs kyi chos mang phul |
me phag lor cha lung rdo rje brag gi gdan sar phebs nas sbyor drug sogs kyi grwa btsugs nas 'chad nyan mdzad | de nas kun spangs mdzad de dbus gtsang kun tu rgyal ba blo bzang rgya mtsho la dge lugs skor | rmog cog sprul sku sogs la bka' rgyud jo nang lugs kyi dbang rjes mang po | sangs rgyas bzang