[A:70] po la sa skya dang 'brug pa'i chos skor mang du gsan no | | gzhan ris med kyi skyes bu dam pa du ma la chos bka' tshur zhu phar gnang mang po mdzad |
lcags 'brug lor 'bras spungs dga' ldan gnyis su jo nang gi bstan gzhi btsugs | phun gling nas mi 'tsham par bya ba la rtags mngon tshan can bstan pas mthu che ba'i grags pa byung | dgon gnas mang po la chos bka' dgon bdag yun ring mdzad | yi dam mang po'i zhal gzigs shing lung bstan byung | de nas chos rje kun bzang dbang po sogs la sbyor drug dbang khrid sogs gnang bas jo nang gi rang skad grags shing | ye shes phebs pa'i rnam 'gyur kun mkhyen chen po'i skabs ltar byung |
phag lor gsang stabs su khams 'dzam thang la phebs chas mdzad kyang yang ma 'dzom gser mdog can du phebs nas dus 'khor dbang khrid gnang bas ye shes phebs pa soTa slob ma'i rgyud la byin rlabs tshabs chen zhugs pas thams cad kyis mthun par bla ma grub thob par mtshan btags | de nas lho 'bras mo gshong phyogs su phebs | gsang ri'i kun dga' rin chen rgya mtsho'i gdan sa mjal | dga' ldan rtser grub chu bton | drakSad kyi chos skor gsan | zar gyi jo bo dang mjal te gsung 'byon | bsam rtse sogs la dbang khrid gsung skabs phyis su sog yul du byon pa'i rmi ltas shar | paN chen la sgrub thabs rgya mtsho zhus | lha khang zhig gsos dang gzhan grwa slob mang po la chos gsungs | sog po'i gdan 'dren rnams 'byor | rgyal po lha bzang dang paN chen gnyis nas rang bla ltar bdag rkyen byed dgos byung bar brten shing pho rta'i lor sog yul du phebs te lo gcig lhag gi ring la chos bka' zab mos bsrung ba rgya che bas sog po'i rgyal po 'khor bcas la legs tshogs kyi sgo spel te yon gyi 'byor pa bzang po dang bcas rang yul dbus gtsang du phebs par chas te yu shum du slebs tshe en tsa'i dmag gis dbus gtsang btab nas rgyal po lha bzang dang bkra shis lhun po'i gdung rgyud rnams bkrongs te dus 'khrungs kyi zar zir che bas 'bri chu'i khar lo gcig bzhugs te 'dan chos 'khor yan la chos zab bka' mang du gnang | slar sog yul phyogs su lo gcig gi ring dgon sde zhig gsos | grwa tshang gsar btsugs sogs bstan 'gro'i don rgya cher mdzad de mchod yon mnyam du dbus gtsang du phebs | dgon sde so sor mang ja sogs mi sde bcas kun la 'dod chos zab rgyas kyis re 'dod bskang | bkra shis lhun por phebs nas sog rgyal 'khor bcas la zla lhag tsam la dbang lung man ngag ci rigs gnang | paN chen gyi bla ma drung ram pa tshe brtan rdo rje la jo nang lugs kyi chos sngar ma gsan pa thams cad phul | der mchod yon so sor phebs | ting phu phun tshogs dge 'phel gyi dgon pa btab zin thag nye ring la chos bka' zla 'gar gsungs rjes phun tshogs gling du phebs khrab sgangs su dgongs pa can gyi 'da' tshul bstan | slar slob bu rnams kyis gsol ba btab pas sku sngar rgyun du song nas slob ma'i ngor zhag gcig bzhugs nas zhal chems lung