[A:71] bstan sogs dang bcas dgung lo cu ( spyi lo 1723| rab lo 12.37 ) chu yos lo'i 'phrul zla ba'i tshes brgyad la sku 'das so | | 'di'i slob ma yang dbon ngag dbang rnam rgyal | rje kun bzang dbang po | mkhan chen chags pa chos 'phel | 'brog dge chos skyong don grub sogs mang ngo | |
32. de las gtsang pa ngag dbang bstan 'dzin rnam rgyal | gong ma rnam gnyis ( blo gros rnam rgyal | ngag dbang 'phrin las ) kyi dbon rgyud du ( spyi lo 1691| rab lo 12.05 ) lcags mo lug gi lor bzhad 'chos pa rwa bar ma'i pha skyabs grol dang ma dpon mo bu khrid kyi bur skye ba blangs | dgung lo brgyad la ngag dbang phrin las drung nas klog yig bslabs | dgung lo bcu par rdo rje 'chang ( cha lung ba ) chen po'i drung nas rdo rje'i rnal 'byor gyi dbang man ngag cha tshang thob | gong ma'i phyag bzhes bzhin zhag bdun phrag gnyis la bcad brgya byas nas bsgoms | ( khong gis ) 'di skad | de nas bzung nyams len gyi rgyun ma chad tsam du bskyang ba yin gsung | lo bcu drug par skra phud phul skabs | ( cha lung ba ) gsung las bla ma rnam gnyis kyi 'phrin las la dbang dgos pas ming ngag dbang rnam rgyal du gsol | rab byung mkhan phun tshogs dar rgyas la zhus | bsnyen rdzogs slob dpon ngag dbang blo gros kyis gnang | de nas lo bcu drug nas nyi shu man la rdo rje 'jigs mdzad sogs yi dam mang po'i bsnyen sgrub la bcad rgya bzhugs | slob dpon ngag dbang blo gros las sgrub thabs brgya rtsa'i rjes gnang sogs thob | paN chen blo bzang ye shes nas sgrub thabs rgya mtsho'i dbang sogs 'ga' zhig thob | chos rje kun bzang dbang po'i drung du sbyor drug gi man ngag lus sbyong skor dang | rtsa thig rlung khrid kyi skor dang | nges don mdo dum pa sum cu so lngas gtsor byas gzhung gdams ngag thams cad bum pa gang byo'i tshul du thob | de nas gong ma'i (cha lung ba ) bka' gsung ltar yi dam 'byung 'dul dang chos skyong myur mdzad dgon pos byas te bskang ba dge lugs pa'i rang lugs de blor bzung |
phyis su sog po'i rgyal bo'i 'bod mi byung bar brten dgung lo nyer bzhi shing rta'i lo'i nag zla'i yar tshes la gong ma'i zhabs phyir 'brang bar byon te sog yul du gong ma'i zhabs phyi ba'i tshul du yun ring bzhugs kyang yon bdag kun dad gus che bar byed | de phyogs kyi cho ga sogs 'don chos thams cad dang sog skad tshun chad legs par shes | gong ma'i gsung las nges don gyi bstan pa 'di la sgo gang thad nas nan tan dgos tshul mang po gsungs | de nas mi ring bar tsha ko nang so dang 'dzam thang chos rje rgyal ba lhun grub grags pa gnyis kyi bka' gros kyis pho nya btang ste rab na gtsang ba sku che ba dang de min sku tsha dbon po nyid gdan phebs zhu ru 'ong bas gong ma phebs kar ma 'dzom pas dbon po nyid phebs par chas pa la gong ma'i gsung las ngag dbang bstan 'dzin rnam rgyal zhes pa'i mtshan snon mdzad de yon bdag kun gyis bdag rkyen gang dgos bgyis te tshwa mtsho dkar mo na slebs tshe gong mas lo gsum