[A:74] lcags khyi'i lnga pa'i yar tshes la chos rje go rgyal gyi bka' nan la brten 'dus pa rgya mtsho lta bu la rdor phreng gi dbang yongs rdzogs dang sbyor drug khrid lung cha tshang | gzhan dbang bka' khrid lung zla gsum tsam gnang ba'i dbang yon sogs kyis cha rkyen byas lha khang ka ba ( byams mdun ) bcu drug can phyi nang dang bcas pa bzhengs | yang nang so'i bka' nan gyis dgu pa'i nang rgyal sa rnam dag tu phebs 'dus pa stong phrag lhag la sbyor drug khrid lung sogs so so'i 'dod chos zla gnyis tsam gnang | bkra shis sgang du phebs nas 'dus sde mang por zab bka' rgya cher gsung nas 'dzam thang du chos rje go rgyal la yar phebs pa'i gnang ba zhus tshe ma gnang yang 'byon grab mdzad nas sgar gzhi ka zhabs lha mo'i dar thang du phebs pa chos skyong rnams kyis ma mngags so | de nas 'dzam thang 'tshogs khang gong ma'i nang dus 'khor sgrub mchod mdzad pas bum chu khol ba sogs phyi rtags ya mtshan pa kun gyi mthong snang du gyur | mgo log tu gdan 'dren zhus te sbyor drug khrid lung gnang | lhar yag dgon pa'i bla ma kun rin sogs la dbang bka' mang po yang gsungs | chu byi'i nag zla'i nang slar 'dzam thang du phebs | phun tshogs rdzong rgyal gyis gdan 'dren lan gsum 'ong bar brten der byon tha skar zla ba'i nang der 'byor rgyal po bandha rgyal sngon nas nad kyis thebs pa la rim gro gang gis ma phan par 'das pa'i gshegs rdzogs legs par mdzad | de'i sras tshe dbang drag rgyal rgyal sar bkod de thugs bzhed ltar gyi dbang bka' sogs mdzad | sa ra dgon zhing dang bcas | gzhan rgyal khab 'di'i dgon sde grwa tshang yod tshad gtsang pa la grwa 'bul bkyag ste da phan lo dus su phebs nges kyi bka' gsung gi chad mdo byas te rang gnas 'dzam thang du phebs te phyogs nas 'dus pa rnams la sgrub thabs brgya rtsa sogs dbang lung khrid gsum zla gsum tsam du gsungs |
de nas shing stag lor chos rgyal tshe dbang drag rgyal gyi sku rim du gdan 'dren 'ong bas byon te 'jigs byed lcags mkhar gyi gtor sgrub zhag grangs mang por bsgrubs nas zor 'phen skabs zor rtse nas me 'bar ba dgra phyogs kyi ri bsnyil ba sogs mtshan ltas sna tshogs byung bas rgyal po 'khor bcas lhag par dad pa skyes te | 'jigs mdzad dang tshe chog gi dbang dang | thugs 'dod bzhin tshe dbang stong mchod kyi skabs tshe dbang tshigs bcad ma brtsams te phul bas bar chad zhi ba sogs kyi mtshan ltas kyang legs | rgyal pos dbu blar yang yang mnga' gsol | slar 'dzam thang du 'byor nas shing yos lor sa ra ba'i bka' nan ltar der phebs chos bka' mang du gsungs nas 'dzam thang du phebs me 'brug lor rnga khog tu gdan drangs sgrub thabs rin 'byung sogs zla ba bzhi tsam la gnang | de nas slar yang dpal 'dzam thang du phebs me sbrul lor gzims khang du bsnyen sgrub re la bzhugs bzhin sngar gyi sku gsung thugs rten bzhengs 'phros rnams legs par grub nas bar skabs dbang lung