[A:75] khrid gsum so so'i blo dang mthun par gnang ba'i re zhig gi skabs | mgo log wa shul gnyis 'khon 'dzing bsdums pa'i gyod gtam gyi gzi dpang la mi 'dod bzhin 'dug dgos byung bas phan tshun bden rdzun drang por mdzad kyang wa shul rnam rgyal bkra shis kyi snying bdud sdig tos bskul nas ngan sems kyis dug drangs | khong gis gnas tshul ji bzhin mkhyen kyang re zhig 'dir gdul bya rdzogs nas zhing gzhan du 'byon par dgongs nas sdig can gyi bsam pa 'grub phyir gyi tshul du dug gsol bas bsnyung tshul bstan te | gzims khang du grwa slob rnams la las 'bras kyi chos mang du gsungs nas slob bu mang dge mkhas btsun dar rgyas dang | phur rtsa chos 'phel gnyis rgyal tshab tu bskos khrid lung mtha' dag gtad de dgung lo zhe brgyad ( spyi lo 1738| rab lo 12.52 ) sa rta'i lor sku chos dbyings su gshegs | 'di gtsang pa gong ma'i sku thog ma'o | |
33. de las mkhas btsun dar rgyas ni mkhas btsun bzang po'i yon tan mchog tu mnga' zhing khyad par nyams rtogs kyi rtsal ldan | dbang lung khrid kyi chos brgyud 'dzin pa zhig la | yan lag drug gi nyams rtogs kyi 'char sgo ma 'gags pa'i brgyud 'dzin srog 'dzin rtags mnga' kun dga' chos 'phel gyi slob ma bya yur chos 'byor zhes pa rjes dran rtags ldan mngon shes can zhig kyang byon pa sogs dngos brgyud ci rigs pa'i slob tshogs mang po yod do | |
34. 'di'i gtsang pa'i sku phreng gnyis pa sngon tAranAtha'i drung nas blo gros rnam rgyal la sdom pa 'bog skabs bsrung mdud dkar ser mthing gsum gnang ba de phyis sku rigs su rigs gsum mgon po'i rnam 'phrul 'byung ba'i brda thabs bstan pa ltar bla ma rnam gsum gyi mtshan gras kun bzang 'phrin las rnam rgyal ni | rgyal rong bag ko shog tu sku ngo mtshar ba'i ltas bcas 'khrungs | chung ngu nas chos la bslabs | khyad par ngag dbang mkhas btsun dar rgyas sogs dam pa gong ma mang po las rang lugs kyi dbang lung man ngag sogs zab bka' yongs rdzogs gnas te thugs dam mdzad pas nyams rtogs cher rgyas dbus gtsang du karma pa sogs mkhas grub du ma bsten slar phebs | gtsang pa'i gzims khang gi gdan sa bzung nas smra mdo sngags bshad sgrub gling | bser ljags mda' dgon | rnga ba | lhar yag | rgya kha bkra shis gling yan chad kyi slob tshogs sprin bzhin bsdus nas bstan 'gros'i don mdzad pa ste rgyas par nyid kyi rnam thar na gsal yang 'dir mang bas dogs nas ma bris |
35. 'di'i dngos slob zab lam gtum mo'i ye shes mchog rgyas shing mngon mkhyen ldan pa lha tshe bla ma rgyal mtshan sogs mang ba las chos brgyud la phan thogs che ba bstan bsrung bran du 'khol zhing drag po mngon spyod kyi las thogs med grub pa'i nus ldan lhun grub rgya mtsho ste | 'dis yag mdo'i pho brang