[A:77] las |
dang po gtsang nas khams 'dzams thang las mdo khams gzhan du rang lugs kyi bstan pa rjes nas ji ltar spel tshul ni |
1. dbus gtsang phyogs kyi rang re'i chos gzhi rab tu rgyas pa'i skabs rje btsun rin po che sku dngos bzhugs pa'i drung du khams rnga ba phyogs nas se dbon po lhun grub rgyal mtshan phebs nas sbyor drug khrid yig rtsom par bskul zhing dbang lung zab bka' mang po zhus | khong gi gsung las khams rnga ba phyogs su nges don gyi chos gzhi dgon gnas 'debs pa'i lung bstan gsungs pa ltar se dbon po rang yul du byon nas sa rnga dbus gur nang du dgon pa btab | | dme the hi don grub dang mchod yon mdzad | lcags rge rgyal po zhes pas khong gi mdzad spyod la log sgrub byas pas slar rtag brtan du phebs te rje btsun chen po la man ngag gi bka' rnams zhus pas | gur mgon khro bcu'i bsrung 'khor brag rdzong ma'i gdams ngag yi ger bkod pa dang khrod bcu'i rten thang gnang ba sogs kyi bka' drin thob | de la brten nas bstan dgra gdug can bdun brgyud dang bcas rtsad nas bcas de yul der nges don gyi bstan pa dar rgyas su mdzad |
2. de nas se snying po rgyal mtshan dang | se dbon 'phrin las snying rgyan gnyis kyis kyang blo gros rnam rgyal gyi mdun nas dbang bka' sogs zhus nas rang yul du spel zhing | khyad par se lha dbang rgyal mtshan dang 'phrin las rgya mtsho gnyis nas ngag dbang rnam rgyal la dbang bka' sogs gsan nas 'dzin skyong mdzad cing 'di rnam gnyis nas se nyin srib gnyis su gyes so | |
3. yang rgyal mo tsha rong nas sa ra ba kun dga' rgyal mtshan rtag brtan du rje btsun chen po la chos zhu ru phebs kyang khong gzhan don la gshegs zin pas rje btsun ma 'phrin las dbang mo la chos mang zhus te 'khor lo sdom pa'i dbang gi skabs rje nyid kyi zhal ma mjal skye dman 'di 'dra la chos zhu dgon snyam pa'i rnam rtog byung tshe | rje btsun ma'i mngon shes kyis mkhyen nas bu sems sdug mi dgos yar ltos gsungs | mdun gyi nam mkhar bde mchog gi rten rten pa yongs rdzogs mngon sum du bstan pas gus pa mchog tu gyur te gdams pa mang po zhus | dpal mgon drakSad kyi dbang dang bka' gtad mdzad nas bsrung mar bskos sked phur byin ldan zhig gnang ba de mar phebs lam ring du song skabs las shul du lhag song ba ma dran | de dus su nub mor chos skyong la 'phrin bcol byas pas nangs par dbu sngas su lcags phur dngos de thon byung | de nas sa ra dgon du phebs nas mgon po'i rten sku khyad par ba bzhengs chos rgyun spel bar byas so | |
4. yang 'brag dge kun dga' dpal bzang rtag brtan du phebs rgyal tshab rin chen rgya mtsho'i