[A:80] zhig tu yod pa ched gnyer gyis dbang grwar bzhag ste | dbang ja 'grim pa sogs la song skabs de mi 'dug gsung | chos mtshams mdzad nas bzhugs 'dug pas kun gyis thugs dgongs gtad so yin par shes te | phyin chad ja 'dren sogs la ma mngags pas thugs dgyes shing dbang lung khrid gsum yongs rdzogs bdag po spos bsgyur gyi tshul du gnang la |
6. phyis su karma 'od gsal 'gyur med ni sgrub bla chen po yin yang si tu padma nyin byed dbang po'i bkas bskul te rdo smad du bla tshab la phebs nas gtsang pa dge slong sogs nges don sgrub brgyud 'dzin pa mang po la zab bka' yongs rdzogs thang mar brdal ba'o | |
7. chos brgyud de dag sogs sde dge dpal spungs phyogs nas rang lugs kyi chos mdzod 'dzin pa rim byon rnams dang | gtsang sprul dkon mchog 'jigs med rnam rgyal gyi slob brgyud du dpal 'dzam thang gi chos grwar kun mkhyen dol po'i rnam 'phrul nges don sgrub brgyud kyi bstan pa'i mnga' bdag sbyangs pa rje kun dga' nges don zhabs pa sku 'khrungs te | rang yul gyi dam pa mang po'i zhal nas gdams pa ma lus pa gsan te gsang chen gyi rtogs pa mchog tu rgyus | sde dge'i zhabs drung dang | kong sprul rnam gnyis kyi drung nas nyams myong chos kyi 'dri gtug gis phu thag bcad nas zab bka' mang po'i gdams pa yang nod bzhin rang yul du chags phebs nges don sgrub pa'i rgyal mtshan srid rtser bsgrengs pa'i tshul rgyas pa nyid kyi rnam thar tu gsal ba ltar dang | de'i brgyud 'dzin gyi rdo rje slob dpon rim byon chos rje'i khang dmar rten khang chen mor bzhugs te da lta'i bar gsang chen sngags kyi theg pa dar rgyas su mdzad |
8. dus de tsam na kun spangs chos grags dpal gyi sprul pa 'dzi smad lha ri'i gnas su bzhugs pa gsang sngags zab mo'i gter gyur ngag dbang chos 'dzin zhabs pas zab gsang rdo rje'i theg pa'i mdzod sgo phyes te gang 'dul gyi mdzad pas ljongs 'di'i gdul bya rnams smin grol la bkod do | |
9. 'jam dbyangs mi'i rnam rol thub bstan dge legs rgya mtsho yang 'ba' mdar 'khrungs te dge 'phel ri khrod sogs su bzhugs nas gsung rab chos kyi sgo rgya che bas rgyal bstan spyi dang | khyad par kun mkhyen jo nang pa'i lugs kyi dus kyi 'khor lo'i bskyed rdzogs kyi zab gnad bkrol zhing gsang chen sngags kyi chos tshul ches gsal zhing dar rgyas su mdzad de mdo sngags spyi'i bstan pa'i rgyan gcig pur gyur to | |
(4) gdan sa dang dgon gnas ri khrod kyi skor |
gzhan yang de dag gis mtshon 'dzi yul du bstan 'dzin gyi skyes bu rim byon rnams kyi gdan sa