[A:81] bzhugs gnas ri khrod dgon gnas che chung mtshams 'di skor nas rim gyis byung ba | 1. gsang sngags rtogs pa mchog gi mtha' son skyabs rje ngag dbang bsam gtan gyi gdan sa 'brim shar ri khrod | 2. rwa lo'i sprul par grags pa sa dmar bla ma lung rtogs kyi gdan sa sa dmar dpal rtse'i dgon | 3. sgrub brgyud man ngag mchog mnga' bstan 'dzin grags pa'i gdan sa dgon leb | 4. zab mo'i rnal 'byor gyi dbang phyug kun dga' mtshan bzang gi gdan sa bya yur dgon | 5. mkhas btsun bzang po'i dpal gyur zla ba grags pa'i mtshan can gyi gdan sa 'dzi srib dgon | 6. rang la zab lam gdams pa'i rdo rje 'chang kun dga' ngag gi dbang po'i gdan sa dar lnga'i ri khrod | 7. rang la legs bshad mchog gnang mdzad pa'i mkhas dbang ngag dbang tshogs gnyis rgya mtsho'i gdan sa ra shug ri khrod sogs da lta yod med ci rigs kyi ri dgon chos gzhi mang po byung zhing gnas de dag tu dam pa gang dag gis sgrub brgyud gtso bor byas te bshad sgrub zung 'brel gyi bstan pa'i bsil zer gyi 'od snang dkar pos dus phyis su byung ba'i snyigs ma'i gdul bya phal mo che'i sdug bsngal gyi tsha gdung rab tu zhi bar mdzad pa'i rnam par thar ba yod na'ang mang bas re zhig de tsam du bzhag go | |
(5) 'dzam thang gi dgon lag |
'dzam thang gi dgon lag yul gzhan du yang | 1. gtsang pa blo gros rnam rgyal tsha rong du byon pa nas bzung yang sprul brgyud 'dzin bcas phebs nas bzhugs pa'i gnas lhar yag dgon dang | 2. ngag dbang rnam rgyal gyi ring nas smra phyogs yar thang dgon pa dang | 3. sngar chos rje rgyal ba bzang gi gdan sa bzhag ra lha rtse phyogs kyi bzhags shod dgon lngar grags pa yang | pAla dgon | khang sar dgon | bhowaMro'i dgon | tsag dge ba dgon | dpal ldan bkra shis sgang rnams dang | de dag las gyes pa'i dgon phran | ya mda'i dgon | yo mda'i dgon | shu'u mda'i dgon | snar mda' dgon | sa ra dgon | dza 'go'i dgon | gyang sgang dgon sogs kyang byung la de dag tu'ang skyes chen dam pa du ma'i zhabs bcag ste nges don sgrub pa'i bstan pa 'dzin skyong spel bar mdzad pa'o | |