[A:83] bzhi pa | rje btsun tAranAtha'i ring gi sbyin bdag |
rje btsun tAranAtha'i sku ring du yar 'brog khri dpon bstan 'dzin mi 'gyur dbang rgyal pos dgon sde gnyis su sri zhu bla blag tu byed | byang bdag bkra shis stobs rgyas nas sku gong 'og gnyis la bsnyen bkur bsam gyis mi khyab pa dang | gtsang sde pa karma bstan skyong dang sku 'bring ba mthu stobs rnam rgyal gnyis kyis kyang bstan pa'i sbyin bdag bcas te brtsi bkur gyis zhabs 'degs legs par byas | khyad par lugs gnyis khrims bzang gis sa chen po la mnga' dbang legs par bsgyur mdzad gtsang sde srid phun tshogs rnam rgyal gyis rnam par dkar ba'i thugs bskyed rgys che bas chos kyi rje sgrol ba'i mgon po nyid la zhu ba 'di ltar phul te | nged kyis rgyal srid kyi bya ba rlabs chen grub | da dung skyong ba la dka' ba med | lugs zung gi bya ba mi nag pas bkod rgya byas pa don chung zhing | spyir na nges don gyi bstan pa la bya ba byed pa dkon | dkon pa tsam la rin thang che ba'i dpe ltar | rang re chos tshul 'di la mos pa'ang yin pas nged kyis chos gzhi 'debs pa'i khur len khyed kyis gnang dgos zhes de lugs zhus pa ltar shing mo yos kyi lor dpal rtag brtan dam chos gling nges don dga' ba'i tshal btab | dus ring po ma lon par 'tshogs pa stong phrag phyed gsum tsam 'dus | de nas rim par 'phel te | 'dus sde de rnams kyis | hor zla dang po la smon lam gyi rigs thams cad dang | gnyis pa la tshe dpag med lha dgu'i cho ga | gsum pa la bla sgrub chen mo skal bzang 'jug ngos | bzhi pa la dus 'khor rdul tshon gyi sgrub mchod | lnga pa la chog yangs chen mo zhes bla med kyi dkyil 'khor nyi shu rtsa lnga rdul tshon gyi steng nas 'dus sde stong gsum tsam gyis so sor bsgrub cing mchod pa | drug pa la bde mchog nag po pa rdul tshon gyi sgrub mchod | bdun pa la bsngo zhu zhes pa | brgyad pa la yang dus 'khor sgrub mchod | dgu pa la drakSad gtor bzlog dang bcas pa | bcu pa la 'jigs byed drug cu pa lde'u thung bcas pa | bcu gcig pa gur mgon rnam sras zhal dang bcas pa'i bskang gsol chen mo | bcu gnyis pa la bde mchog nag po pa sgrub mchod dang | zla ba byung ngo cog thams cad kyi tshes drug la dus 'khor | tshes brgyad la rnam rgyal | tshes dgu la rnam 'joms | tshes bcu la rnal 'byor ma | bco lnga la dus 'khor bsdus rgyud dang theg mchog dbu ma chen mo | nya stong rnams su so thar gso sbyong 'chags med bcas dang | gong gi sgrub mchod de rnams tshes gcig nas bco lnga'i bar du 'tshogs pa rnams kyis phyag len mtha' rgyas kyi sgo nas sgrub pa'o | de ltar chos sde chen po de la mchod thebs rgyun phog sogs la chos kyi rgyal po sde srid nyid nas lha 'bangs chos gzhis bsam gyis mi