[A:84] khyab pa gnang | phyi rtsig pa nang lha rten lo bcu gsum gyi khongs su yongs rdzogs grub | sde srid dgung grangs bcu brgyad tsam nas bzhi bcu'i bar bod khams kyi rgyal po gcig pur gyur te bod khri skor bcu gsum la rim gyis mnga' dbang bsgyur zhing de'i sras kun dga' rab brtan dbang gi rgyal pos kyang chos sde 'di nyid la sngar las lhag pas gus zhabs chen po mdzad do | | de ltar rje btsun kun dga' snying pos sku tshe'i tha mar mkha' 'gro ma 'phrin las dbang mo la zhal chems lung bstan gnang ba | gtsang sde srid yang 'gyangs tsam nas rtse la bzhugs rgyu mi 'ong | bod khams sog pos khyab 'gro | dgon gnas 'di la dar rgud cung zad 'ong 'dug | rang bzhin gyis nges don bstan pa 'di yang dar bar 'gyur ro | | zhes gsungs | de ltar o rgyan padmas lung bstan pa ltar yang gtsang pa rgyal po zhes shing glang nas lcags sbrul gyi bar lo grangs bdun cu don bdun la gtsang dpon rabs bzhis gtsang stod rgyal po'i lung zhes grags pa byung nas bod khams la dbang bsgyur ro | | phyis su yang yar 'brog khri dpon bstan 'dzin mi 'gyur dbang rgyal nas ting mkhas bdag mo sogs dang | rtse shar nub rnams kyis kyang dgon de la sri zhu legs par mdzad do | |
lnga pa | chos rje rgyal ba seng ge'i sku ring gi sbyin bdag |
de nas khams 'dzam thang 'dir sngon chos rje rgyal ba seng ge'i sku ring la 'dus sde khri phrag brgal ba 'tshogs shing | gzhan yang dgon lag brgya dang bcu gsum | mchod rten brgya dang bcu gsum sogs bstan pa'i chos gzhi che bar yod pa rnams la bstan pa'i sbyin bdag | gong ma chen po dang | sog yongs shu'i bu dang | hor dang | 'jang dang | btsan lha rab brtan gyi rgyal po sogs chos kyi rgyal po ches che ba rnams kyis bkur zhing mchod pa'i gnas su byas te zhabs tog bla na med pa mdzad |
drug pa| mkhas grub blo gros rnam rgyal ring gi sbyin bdag |
de rjes su mkhas grub blo gros rnam rgyal 'dzam thang du phebs skabs tsha ko'i rgyal po sangs rgyas 'bum gyis tsha yul du gdan drangs chos bka' mang du zhus | bu slob kyi gtso bo nang so snying po snang mdzad kyis rgyal sa rnam dag tu jo nang rang lugs kyi lha rten dang gos sku mang du bzhengs | bzhag shod kyi dgon pa rnams la bsnyen bkur dang stan bdag mdzad de | grwa ba yang sum brgya lhag tsam 'tshogs |