[A:85] bdun pa | gtsang pa ngag dbang rnam rgyal ring gi sbyin bdag |
de nas gtsang pa ngag dbang rnam rgyal phebs skabs a skyong dpon bstan 'dzin gyis yar thang mdo sngags bshad sgrub gling dang 'dzi ka'i ta tse yan chad grwa rgyun la phul bas deng sang gi bar du rim gyis grwa ba stong phrag tsam byung la bstan pa'i sbyin bdag a skyong gis da bar rtag tu mdzad do | |
rgyal khab phun tshogs rdzong bdag rgyal po bandhi rgyal gyis gtsang pa ngag dbang rnam rgyal gdan drangs chos bka' mang du zhus te dbu blar bskos | de nas rgyal sras dam pa nga shu tshwa tshe dbang drag rgyal ni rje btsun rin po ches khong gi sprul pa'i sde dpon stobs ldan du lung bstan pa'i chos rgyal nyid yin pas nges don bstan pa thugs kyi dpal ba'ur bcings nas jo nang rang lugs 'dzin pa'i mkhas grub du ma bla mar bsten cing khyad par gtsang pa ngag dbang rnam rgyal nyid | rgyal po'i gsungs las | bdag gi bla ma ni khyed gcig pu yin no | | zhes pas dbu bla gcig chog tu mnga' gsol bzhin par rnam dkar chos kyis bstan pa la bya ba byas rim dus 'khor dang bde mchog nag po'i zhabs lugs kyi dkyil 'khor blos bslangs dang | kun mkhyen dol po'i bka' 'bum dang skyes rabs kyi smar dang | pad 'byung dang rje tAranAtha'i 'dra sku stong phrag re re tsandan dang sman 'dam gyis bzhengs | chu pho nor bu gling btab nas gtsug lag khang dang dge 'dun gyi sde btsugs | nang rten byams chen dang | 'jigs mdzad | bde mchog rab 'byams sogs sman sku mang du bzhengs | bskyed rdzogs sgrub rgyud dang sgrub mchod mang po btsugs | gar 'cham dang rol cha mchod rjes bsam gyis mi khyab pa sgrigs | chos skyong 'khor bcas kyi sku brnyan bris 'bur mang du bzhengs | pho brang du yang lcags kyi drwa mig mchog gi lha khang nang du rgya gar nag gi gser sku li ma mtha' yas pa dang | dpal mgon drakSad kyi mgon khang 'dod rgyal khang bzang gi bkod pa dang bcas pa bka' shin tu gnyan cing blta bar mi bzod pa'i rnam par yod la | gzhan yang phun tshogs rdzong gi mnga' zhabs la bka' brgyud rnam rgyal steng sogs dgon phran mang po btab cing rgyal kha bkra shis gling du rtag brtan dgon zhes pa'i chos sde chen po btab ste nang du rten bzhengs yang rgya cher byas so | |
bar skabs pho brang pe cin du rgya nag gong ma chen po'i gser zhal mjal du phebs tshe rgya nag mi dpyad mkhas pa rnams kyis tshe dbang drag rgyal gyi spyan 'bras gnyis la gser gyi 'brug zung gsal bar yod pa shes nas rgyal po gser 'brug can dang spyan 'brug can zhes mtshan gsol | las zhwa dang go