[A:93] rnam par rol pa las theg pa chen po'i sde snod kyi glegs bam slad mar yang 'phags pa'i yul du bsod nams chos kyi skal bar legs byung mdazd pa nas bzung ste mi yul du dar ba'i 'go tshugs na'ang 'di skabs mi ring ba nas theg chen chos smra ba'i btsun pa lnga brgya tsam byon nas theg chen sde pa dngos smra ba'i sems tsam grub mtha' byung ba yin la | de ltar dngos smra'i sems tsam gyi theg chen sde pa dar nas ring por ma lon pa na grub mtha' de yang spyod phyogs nas theg dman las khyad che yang lta phyogs nas theg chen gyi gnas lugs mthar thug mtha' gnyis spangs pa'i sgo nas ji bzhin ma rtogs pa yin pas spyir theg dman sde gnyis dang theg chen dngos smra'i lugs gang dag las snga ma theg dman sde pa'i phyi don bden grub kyi grub mtha' dang | theg chen dngos smra'i rnam shes bden grub kyi grub mtha' sogs ni mtha' gnyis gang rung las ma 'das pa'i cha nas kun rdzob spros pa kun bral gyi mtha' gnyis spangs pa'i dbu ma'i gnas lugs yang dag ji bzhin la ltos na gnas skabs tsam las mthar thug ma yin pa'i tshul lung rigs kyi lam nas legs phye mdzad nas 'khor lo bar tha'i bstan don theg chen gyi gnas lugs zab mo yod med kyi mtha' dang bral bar rgyal ba'i dgongs pa ji ji bzhin 'chad pa ni grub chen sa ra ha'i dngos slob slob dpon klu sgrub ste | de yang 'jam dpal rtsa rgyud las | ston pa mya ngan las 'das nas lo bzhi brgya lon pa na slob dpon klu sgrub byon nas lo drug brgya bzhugs par gsungs shing | de'i tshul yang rgyal po bde spyod kyi bus slob dpon gyi dbu bslang rkyen yongs grags ltar na lo drug brgyar don gcig gis ma tshang ba dang 'ga' zhig ltar na nyer dgus ma tshang bar 'dod la | lugs snga ma'i dbang du byas nas slob dpon yul dbus su lo nyis brgya dang lho phyogs su lo nyis brgya | dpal gyi rir lo brgya dang nyer dgu'i ring bzhugs pas khyon sdom lo lnga brgya nyer dgu'o | | phyi ma'i dbang du byas na yul dbus dang lho phyogs kyi lo grangs snga ma ltar la dpal rir lo brgya dang don gcig tu bzhugs pas khyon lo lnga brgya don gcig go | | lo de dag kyang phyed lo dang kha tshang gi 'dod tshul 'dra min yod |
de lta bu'i slob dpon klu sgrub kyis bka' dang po'i gtsor bstan thun mong bden bzhi'i 'chad byed gtam tshogs dang | bka' bar pa'i gtsor bstan dbu ma rang stong gi dgongs pa 'chad byed rig tshogs dang | bka' tha ma'i gtsor bstan dbu ma gzhan stong gi dgongs pa 'chad byed bstod tshogs rnams brtsams pa'i sgo nas rgyal ba'i dgongs pa theg dman dang thun mong gi bden bzhi dang theg chen rnam grangs dbu ma rang stong dang nges don dbu ma gzhan stong gi tshul so sor gsal bar mdzad cing | de nas klu sgrub 'khrungs nas lo lnga brgya tsam na rgyal ba'i dgongs pa mthar thug nges don dbu ma chen po'i srol legs par phye ba'i sgo nas theg pa chen po'i mdo sde'i drang ba dang nges pa'i don ji bzhin legs 'byed mdzad pa po ni 'phags pa thogs med de | de yang 'jam dpal rtsa rgyud las | ston pa